ދިވެހިރާއްޖޭގެ އިގްތިސާދު ދަނީ ހަމަ މަގަށް އެޅެމުން ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ ދާއިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ.
އޭނާ ކުރެއްވި ޓްވީޓުތަކެއްގައި ވިދާޅުވީ ވާދަވެރިން މަސައްކަތް ކުރަނީ ސަރުކާރު ”އިނދަޖައްސާލަން“ ކަމަށެވެ. އޭނާ އިތުރަށް ވިދާޅުވީ ސަރުކާރު ބަނގުރޫޓްކޮށް އިނދަޖައްސާލަން އެތެރެ އާއި ބޭރުން ވާދަވެރިން ކުރާ މަސައްކަތުގެ ސަބަބުން ބަނޑަށް ޖެހޭނީ ހުރިހާ ދިވެހި ރައްޔިތުން ކަމަށާއި މިއީ ފުންކޮށް ވިސްނަންވެއްޖެ ކަމެއް ކަމަށެވެ.
މަވޯޓާ ވިދާޅުވީ ރާއްޖެ އަށް އިގުތިސާދީ ގޮތުން ދަތިތަކެއް ހުއްޓަސް ސަރުކާރުން ދައްކަން ޖެހޭ ދަރަނިތައްވެސް މުއްދަތަށް ބަރާބަރަށް ދައްކަމުން އަންނަ ކަމަށާއި، ސަރުކާރާ ވާދަވެރި ފަރާތްތަކުން ބޭނުން ވަނީ ދައުލަތަށް ލޯނު ލިބެން އޮތް ހުރިހާ މަގެއް ބަންދުކުރަން ކަމަށެވެ.
”ފުންކޮށް ވިސްނަން ވެއްޖެ ކަމެއް. މިގޮތަށް ނުކުރުމަށް ގޮވާލަން.“ އޭނާ ވިދާޅުވިއެވެ.
މަވޯޓާ ވިދާޅުވީ މި ސަރުކާރަށް ކޮވިޑާ ހެދި ކުރިމަތިވި އެންމެ ދަތި ދުވަސްވަރު ވެސް ރައްޔިތުން ބަނޑަށްޖެހިޔަ ނުދީ ދެ އަހަރު ވަންދެން އިގުތިސާދު ރަނގަޅަށް މެނޭޖްކޮށްފައިވާ ކަމަށެވެ.
މިދިިޔަ 50 އަހަރު ތެރޭގައި ސަރުކާރު ހިންގި މީހުން ވަނީ ބޮޑެތި ރިބާލޯނު ނަގާ އެމީހުނަށް ފައިދާ ލިބޭ ގޮތަށް އެލޯން ރައްޔިތުންނަށް ވެސް ދޫކޮށްފައި، ލޯން ނުނެގި މީހުނަށް ފުލެޓް އަޅާދީ ފުލެޓެއް އެއްޗެއް ދީގެން ވެސް ރިބާލޯންގެ ދަރަނި އެންމެންގެ ބޮލުގައި އަޅުވާފައި މިވަނީ ! ރިބާ ކެއުން ހުއްޓާލާނެ ސަރުކާރެއް ހޯދަން އެބަޖެހޭ !