ރާއްޖޭގެ ސިޔާސީ ޙަޔާތުގައި އަންހެނުންގެ ދައުރު ވަރަށް ބޮޑަށް ފުޅާ ކުރަންޖެހޭ ކަމަށް ދެކެވަޑައިގަންނަވާ ކަމަށް ކުރީގެ ރައީސް މައުމޫން ޢަބްދުލްޤައްޔޫމް ވިދާޅުވެއްޖެއެވެ.
ރައީސް މައުމޫން މިހެން ވިދާޅުވެފައި ވަނީ، މިރޭ އެކްސްގައި ކުރެއްވި ޕޯސްޓެއްގައެވެ.
ދިވެހިރާއްޖޭގެ ސިޔާސީ ޙަޔާތުގައި އަންހެނުންގެ ދައުރު ވަރަށްބޮޑަށް ފުޅާކުރަން ވެއްޖެ ކަމަށް އަޅުގަނޑު ދެކެން.
— Maumoon Abdul Gayoom (@maumoonagayoom) December 12, 2023
ސިޔާސީ ދާއިރާގައި އަންހެނުންގެ ދައުރު ފުޅާ ކުރުމުގެ މުހިންމުކަން ރައީީސް މައުމޫން ފާހަގަކުރެއްވިއިރު، އެމަނިކުފާނުގެ ދަރިކަނބަލުން ވަނީ ރައްޔިތުންގެ މަޖިލީހުގެ ހުޅުމާލެ ދެކުނު ދާއިރާގެ ޕީޕީއެމް/ޕީއެންސީގެ ޕްރައިމަރީގައި ވާދަ ކުރެއްވުމަށް ފޯމު ހުށަހަޅުއްވައިފައެވެ.
ރައީސް މައުމޫން ވަނީ ސިޔާސީ މައިދާނުގައި ދުންޔާގެ ޤާބިލުކަމަށް ތަޢުރީފު ކުރައްވައި، އެކަމަނާއަށް ކާމިޔާބީއަށް އެދިވަޑައިގަންނަވައިފައެވެ. ފޮރިން މިނިސްޓަރުކަމުގައި ހުންނަވައި، ދުންޔާ ރާއްޖޭގެ މިނިވަންކަން ހިމާޔަތް ކުރެއްވުމަށް މުޅި ދުނިޔެއާއި ކުރިމަތިލެއްވި ކަމަށް ވެސް ރައީީސް މައުމޫން ވިދާޅުވިއެވެ.
ދެ އަންހެން ދަރިންނަށް ވަޒީރުކަން ލިބޭވަރަަށް ފުޅާކުރަން ވެއްޖެއެވެ. ދެން މިކަމާ ނޫޅެ ގޭގައި ރީއްޗަށް ތިބޭށެވެ.