އައު ސަރުކާރުން މަސައްކަތް ނިންމި އަމީނީ މަގުގެ ފަހު ދެ ސެގްމަންޓް ކަމަށްވާ، ސެގްމެންޓް 12 އަދި 13 ހޮނިހިރު ދުވަހު މުޅިން ހުޅުވައިލާނެއެވެ.
އަމީނީމަގު ޒަމާނީ ފެންވަރަށް ތަރައްގީ ކުރުމުގެ މަސައްކަތް ފެށީ 2022 ގައި ނަމަވެސް މަސައްކަތް ނުނިމި މިދިޔަ ސެޕްޓެމްބަރު މަހާ ހިސާބުން ފެށިގެން އޮތީ މަސައްކަތް މަޑުޖެހިފައެވެ.
ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އާ މެނޭޖްމަންޓުން އަމީނީ މަގުގެ މަސައްކަތް މިދިޔަ މަހުގެ 9 ގައި ފަށައި ތާރުއެޅުމުގެ މަސައްކަތް އެއްކޮށް ނިންމައިލީ މި މަހުގެ 6 ވަނަ ދުވަހުގެރޭ ފަތިހުއެވެ.
މިއަދު ނދުނު 6:00 ގައި އަމީނީމަގާއި އިއްޒުއްދީން މަގު ގުޅޭ ޖަންކްޝަން އަދި ކަނބާ އައިސާރަނި ހިނގުމާއި އަމީނީ މަގު ގުޅޭ ޖަންކްޝަން ޓްރެފިކަށް ވަނީ ހުޅުވައިފައެވެ.
އަދި ހޮނިހިރު ދުވަހު ހެނދުނު 6:00 ގައި އަމީނީމަގުގެ ސެގްމަންޓް 12 އަދި 13 މުޅިން ހުޅުވާލެވޭނެއެވެ.
މާދަމާ (10.1.2024) ހެނދުނު 6:00 ގައި އަމީނީމަގާއި އިއްޒުއްދީން މަގު ގުޅޭ ޖަންކްޝަން އަދި ކަނބާ އައިސަރަނި ހިނގުމާ އަމީނީ މަގު ގުޅޭ ޖަންކްޝަން ޓްރެފިކަށް ހުޅުވާލެވޭނެ
ހޮނިހިރު ދުވަހު (13/1/24) ހެނދުނު 6:00 ގައި އަމީނީމަގުގެ ސެގްމަންޓް 12 އަދި 13 މުޅިން ހުޅުވާލެވޭނެ https://t.co/mziUa5DPt6
— Ministry of Construction and Infrastructure (@MoCImv) January 9, 2024
އަމީނީމަގުގެ މަޝްރޫއު އާރްޑީސީއާ ހަވާލުކުރީ 84.4 މިލިއަން ރުފިޔާއަށެވެ. މަސައްކަތް ނިންމަން ދިނީ 210 ދުވަސް ނަމަވެސް އެ މަސައްކަތް ދިގުލައިގެން ގޮސް މިދިޔަ ސަރުކާރުން ފަހުން ބުނީ މަޝްރޫއު ނިންމާނީ އާ ސަރުކާރުން ކަމަށެވެ.
