އިސްލާމީ ސަގާފަތާއި އެއްގޮތަށް އީދު ފާހަގަކުރުމުގައި އެހީތެރިވުމަށް އިލްމުވެރިންނާއި އިމާމުން ރައްޔިތުންނަށް އެހީތެރިވުމަށް އިސްލާމިކް މިނިސްޓަރު ޑރ.މުހައްމަދު ޝަހީމް އަލީ ސައީދު އިލްތިމާސް ކުރައްވައިފިއެވެ.
މީސްމީޑިއާގައި ކުރެއްވި ޕޯސްޓެއްގައި ޝަހީމް ވިދާޅުވީ، އިސްލާމީ ސަގާފަތާ އެއްގޮތަށް އީދު ފާހަގަކުރުމަކީ ރައީސް ޑރ.މުއިއްޒުގެ ތަސައްވުރެއް ކަމުގައި ވުމުން، ހުރިހައި ރަށެއްގައި އިސްލާމީ ސަގާފަތާއި އެއްގޮތައް އީދު ފާހަގަކުރުމަށް އިލްމުވެރިންނާއި މިސްކިތްތަކުގެ އިމާމުން ވެސް ރައްޔިތުންނަށް އެހީތެރިވެ އިރުޝާދު ދެއްވުމަށް އިލްތިމާސްކުރައްވާ ކަމަށެވެ.
އިސްލާމީ ސަޤާފަތާ އެއްގޮތަށް އީދު ފާހަގަކުރުމަކީ ރައީސް ޑރ @MMuizzu ގެ ތަޞައްވުރަކަށްވާތީވެ ހުރިހައި ރަށެއްގައި އިސްލާމީ ސަޤާފަތާއެއްގޮތައް އީދު ފާހަގަކުރުމަށްޓަކައި ޢިލްމުވެރިންނާއި މިސްކިތްތަކުގެ އިމާމުން ވެސް ރައްޔިތުންނަށް އެހީތެރިވެ އިރުޝާދު ދެއްވުމަށް އިލްތިމާސްކުރަން.
— Mohamed Shaheem Ali Saeed (@Mohamedshaheem1) April 1, 2024
މިނިސްޓަރު މިފަދައިން އިލްތިމާސް ކުރެއްވިއިރު، އީދު ފަދަ މުސްލިމުންނަށް އަންނަ އުފާވެރި ދުވަސްތައް އިސްލާމީވަންތަ، އަދި ދިވެހި ސަގާފަތާއި އެއްގޮތަށް ފާހަގަކުރަން އިސްކަން ދެއްވުމަކީ ރައީސް މުއިއްޒުގެ ވައުދެކެވެ.
މި ވައުދުފުޅާއި އެއްގޮތަށް، މި އޭޕްރީލް މަހު ބައްދަލު ކުރާ ފިތުރު އީދު ދުވަހު ސިޓީތަކާއި، އަތޮޅު ކައުންސިލު އިދާރާ ހުންނަ ރަށްތަކުގައި ކުލަ ބޮކި ދިއްލައި، އީދު ފާހަގަ ކުރުމުގެ މަސައްކަތް މިހާރު ވަނީ ފަށާފައެވެ.
ހިޖުރީ ކަލަންޑަރު ބުނާގޮތުން، ފިތުރު އީދު ދުވަހަށް ވަނީ އޭޕްރީލް މަހުގެ 10 ވަނަ ދުވަހެވެ. އެއީ އަންނަ ހަފްތާގެ ބުދަ ދުވަހެވެ.
ކިޔަމަންތެރިންގެ ނަމާދަކީ ކޮބާ؟
1.ހުކުރު ނަމާދު
2.ފަތިސް ނަމާދު
3.މަޣުރިބު ނަމާދު
4.ޟުޙާ ނަމާދު
މިގޮތަށް ސުވާލު އޮތުން ރަނގަޅެއް ނޫން.
ރަނގަޅު ގޮތަކީ :
ކިޔަމަންތެރިންގެ ގޮތުގައި ސިފަ ކޮށްފައިވާ ނަމާދަކީ ކޮބާ؟
1.ރަވާތިބު ސުންނަތް
2.ކޭތަ ނަމާދު
3.ދަމު ނަމާދު
4.ޟުޙާ ނަމާދު
ފަރުޟު ނަމާދު ސުވާލުގެ ތެރެއަށް ނުވެއްދުން ރަނގަޅު.