ފަސް އަހަރުން އެންމެ ތަނބެއް ފެނުނު ބްރިޖުގެ މަސައްކަތް މިހާރު ނިމެމުންދާ ކަމަށް ވިދާޅުވެ، ރައީސް ޑރ.މުހައްމަދު މުއިއްޒުގެ ސަރުކާރުގެ ދުވެއްޔަށް، ޕީޕީއެމް/ޕީއެންސީގެ ޓިކެޓުގައި ރައްޔިތުންގެ މަޖިލީހުގެ ހެންވޭރު އުތުރު ދާއިރާ އަށް ވާދަ ކުރައްވަވާ ކެންޑިޑޭޓު އަހުމަދު އައިފާން ތައުރީފު ކުރައްވައިފިއެވެ.
ރައީސް މުއިއްޒު ވެސް ބައިވެރިވެވަޑައިގެންނެވި އޭނާގެ ކެމްޕެއިން ޖަލްސާގައި، ރޭ، އައިފާން އޭނާގެ ދާއިރާގެ ރައްޔިތުންގެ އަރިހުން އެދިވަޑައިގަތީ ކަންބޮޑު ނުވުމަށެވެ.
އޭނާ ދެއްވި ޔަގީންކަމަކީ، ފަސް މަސް ފުރިފައިވާ މި އާ ސަރުކާރުން، މާލޭގެ ރައްޔިތުންނަށް ވެފައިވާ ވައުދުތައް ފުއްދާނެކަމުގެ ޔަގީންކަމެވެ. ގުޅީފަޅު ހިއްކާ ނިމިފައިވާއިރު، ރަސްމާލެ އާއި ތިލަފުއްޓާއި، ގިރާވަރުފަޅު ވެސް ހިއްކާ ނިންމައި، ސަރުކާރުން އެންމެންނަށް ގެދޮރު ޔަގީން ކޮށްދޭނެ ކަމަށް އޭނާ ވިދާޅުވިއެވެ.
އެމްޑީޕީގެ ސަރުކާރުން މަސައްކަތް ފަށައި، ފަސް އަހަރުގެ ދައުރު ނިމުނުއިރު ވެސް ނިންމާނުލެވުނު ތިލަމާލެ ބްރިޖުގެ މަޝްރޫއު ވެސް މިހާރު އެހެރަ ނިމެނީ“ ކަމަށް އޭނާ ވިދާޅުވިއެވެ.
”ފަސް އަހަރު ނިމިގެންދިޔައިރު އަޅުގަނޑުމެންނަށް ފެނުނީ އެންމެ ތަނބެއް، މިހާރު އަޅުގަނޑުމެންނަށް އެބަ ފެނޭ، ބްރިޖުގެ މަސައްކަތް ވެސް ބާރަށް ދާތަން.“ އައިފާން ވިދާޅުވިއެވެ.
އައިފާންގެ ވާހަކައިގައި، ބޯހިޔާވަހިކަމުގެ މައްސަލައަކީ މާލެއަށް ދިމާވެފައިވާ އެންމެ ބޮޑު މައްސަލަކަން ފާހަގަކުރައްވައި، ރައީސް މުއިއްޒު ވަޑައިގެން ހުންނެވީ، އެ މައްސަލައިގެ ފަރުވާ އާއި އެކުގައި ކަމަށް ވިދާޅުވެ، އެކަމަށްޓަކައި ރައީސްއަށް ވަރަށް ބޮޑަށް ޝުކުރު އަދާ ކުރެއްވިއެވެ.
ތިޚަބަރު އަވަހަށް ވޯލްޑު ރެކޯޑުފޮތަށް އަރުވަންވީ. މިހާރު ބުރިޖު މުއިއްޒުގެ އިންޖިނޭރު ކަމުގެދަށުން ޗައިނާމީހުން އެއަޅަނީ ދޯ.
ކަލޯ ލޮލޮގެ މައްސަލައެއް އުޅެނީތަ.ބުރިޖު ނިމެނީއޭ،