ދިވެހި ގައުމުގެ މިސްރާބު މިހާރު އޮތީ ތަރައްގީގެ މަގުގައި ކަމަށާއި، އެގޮތުގައި ކުރިއަށް ދިޔުމަށް ސަރުކާރު ކެންޑިޑޭޓުންނަށް ވޯޓު ދިނުމަށް އެދިވަޑައިގަންނަވާ ކަމަށް ފަހި ދިރިއުޅުން ކޯޕަރޭޝަން(އެފްޑީސީ)ގެ މެނޭޖިން ޑިރެކްޓަރު ހަމްދާން ޝަކީލު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ހަމްދާން ވިދާޅުވީ، ރައްޔިތުންގެ މަޖިލީހުގެ އިންތިހާބު ތެރޭގައި، ކެމްޕޭނުގެ ނަމުގައި މިހާރުވެސް އެމްޑީޕީއިން ބުނަމުން އެދަނީ ގައުމު ހަލަބޮލި ކޮށްލާނެ ވާހަކަ ކަމަށެވެ.
އަދި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވެރިކަމުން އަޒުލު ކުރާނެ ކަމަށް ވެސް، އެ ޕާޓީން ބުނާ ކަމަށް އޭނާ ވިދާޅުވިއެވެ.
”ރައީސް އްޒުލު ކުރާނަމޭ އިގްތިސާދު އަނެއްކާވެސް އަނދަވަޅަކަށް ވައްޓާލާނަމޭ ބޭލި އިންޑިޔާ ސިފައިން އަލުން އަނބުރާ ގެންނާނަމޭ. ގައުމުގެ މިސްރާބު މިހާރު މިއޮތް ތަރައްގީގެ މަގުގައި ކުރިއަށް ދިއުމަށް ސަރުކާރު ކެނޑިޑޭޓުންނަށް ވޯޓު ދެއްވާ.“
ި
އިންތިހާބު ތެރޭ ކެމްޕޭނުގެ ނަމުގައި މިހާރުވެސް އެމްޑީޕީއިން ބުނަމުން އެދަނީ ގައުމު ހަލަބޮލި ކޮށްލާނަމޭ، ރައީސް އްޒުލު ކުރާނަމޭ އިގްތިސާދު އަނެއްކާވެސް އަނދަވަޅަކަށް ވައްޓާލާނަމޭ ބޭލި އިންޑިޔާ ސިފައިން އަލުން އަނބުރާ ގެންނާނަމޭ. ގައުމުގެ މިސްރާބު މިހާރު މިއޮތް ތަރައްގީގެ މަގުގައި…
— Hamdhan Shakeel (@HamdhanShakeel) April 19, 2024
މިހާރު ވެސް މަޖިލީހުގެ މެޖޯރިޓީ އޮތީ އެމްޑީޕީއަށެވެ. މިދިޔަ ފަސް އަހަރު ސަރުކާރާއި، ރައްޔިތުންގެ މަޖިލިސް ވެސް ލިބި، އެމްޑީޕީއަށް ނުކުރެވުނު ކަންކަން، މި ފަހަރު ވެސް މެޖޯރިޓީ ދީގެން ކުރެވިދާނެތޯ، ސަރުކާރަށް ތާއީދު ކުރާ މީހުން ސުވާލު އުފައްދައެވެ.
