ރައްޔިތުންގެ މަޖިލީހުގެ އިންތިހާބުގައި ވާދަ ކުރައްވަން ނިންމެވީ، ސަރުކާރާ ގުޅިގެން ކަންކަން ފަސޭހަކޮށްދިނުމަށް ކަމަށް ޕީޕީއެމް/ޕީއެންސީގެ ޓިކެޓުގައި ހޮޅުދޫ ދާއިރާ އަށް ވާދަ ކުރައްވާ މުހައްމަދު ޝާހިދު(ޝާޑު) ވިދާޅުވެއްޖެއެވެ.
އޭނާ މިހެން ވިދާޅުވީ، ރޭ އައްޑޫ ސިޓީގެ ރައްޔިތުންނާއި ބައްދަލުކުރައްވައި ވާހަކަ ދައްކަވަމުންނެވެ.
ޝާޑު ވަނީ ބޭނުންވަނީ، ސަރުކާރާ ގުޅިިގެން ރައްޔިތުންގެ ހައްގުތައް ކަށަވަރު ކުރުމަށް ކަމަށާއި ސަރުކާރަށް ކަންތައްތައް ފަސޭހަކޮށް ދިނުމަށް މަގުފަހިކޮށް ދެއްވަން ކަމަށް ވެސް ވިދާޅުވެފައެވެ.
”ސަރުކާރާ ނުގުޅި، ސަރުކާރަށް ބޭނުންވާ ކަންތައްތައް ކޮށްނުދޭ، ސަރުކާރާ ގުޅުން ނެތް، ސަރުކާރަށް ދުއްޕާންކުރާ ބަޔަކު މަޖިލީހަށް އައިސްގެން މިކަން ކުރެވޭކަން ނެތް.“ އޭނާ ވިދާޅުވިއެވެ.
ޝާޑު ވިދާޅުވީ ރައީސް ޑރ. މުހައްމަދު މުއިއްޒުގެ ސަރުކާރަކީ އިހްލާސްތެރި ސަރުކާރެއް ކަމަށެވެ.
މި ސަރުކާރުން ވެފައިވާ ހުރިހާ ވައުދުތަކެއް ވެސް ފުއްދާނެ ކަމަށާއި، އައްޑޫގެ ރައްޔިތުންގެ ކުރިއެރުމާއި ލާބަ އަށް އެމަނިކުފާނު މަސައްކަތް ކުރައްވާނެކަމުގެ ފުރިހަމަ ޔަގީންކަން އޮތް ކަމަށް ވިދާޅުވިއެވެ.
ރައީސް މުއިއްޒު އަކީ ހެޔޮ ލަފާ އަހްލާގުވެރި ބޭފުޅެއް ކަމަށާއި، ރައްޔިތުންނާއި ގާތުން މަސައްކަތް ކުރެއްވުމުގެ ގާބިލުކަން ވެސް ހުންނެވި ކަމަށް ވިދާޅުވިއެވެ.
