އެމްޑީޕީގެ ވެރިކަން ނިމުނުއިރު، ކުޑަ ރަށެއް ނުބަލާ މަޝްރޫއުތައް ވަނީ ހުއްޓާލާފައި ކަމަށް ޕީޕީއެމް/ޕީއެންސީގެ ރައްޔިތުންގެ މަޖިލީހުގެ ކެމްޕެއިން ތަރުޖަމާނު ހީނާ ވަލީދު ވިދާޅުވެއްޖެއެވެ.
މިއަދު ނޫސްވެރިންނާ ބައްދަލުކުރައްވައި ހީނާ ވިދާޅުވީ، އެމްޑީޕީގެ ސަރުކާރު ނިމުނުއިރު، ހުރިހާ ރަށެއްގައި، މަޝްރޫއުތައް ހުއްޓާލާފައި އޮތްއިރު، މި ސަރުކާރު ހަވާލުވެ، އެ މަޝްރޫއުތައް އަލުން ފަށަމުންދާ ކަމަށެވެ.
”ކުޑަ ރަށެއް ބޮޑު ރަށެއް ނުބަލާ، އެ ބޭފުޅުންގެ ހުރިހާ ކަމެއް އޮތީ ފެއިލް ވެފައޭ. އެހެންވީމަ، މި ދެންނެވި ކަންތައްތަކާ ހުރެ، ޕީއެންސީގެ ކެންޑިޑޭޓުންނަށް ދިވެހި ލޮބިވެތި ހުރިހާ ރައްޔިތުން ވޯޓު ދެއްވަންވީ.“ އޭނާ ވިދާޅުވިއެވެ.
އެންސްޕާގެ ސީއީއޯގެ މަގާމުގައި ވެސް ހުންނެވި ހީނާ ވިދާޅުވީ، އެމްޑީޕީގެ ވެރިކަމުގައި އިސްލާމްދީނަށް ހުރުމަތްތެރިކޮށް ވެސް ނުހިތާ ކަމަށާއި، މިސްކިތްތަކުގެ ހުރުމަތް ކަނޑާލިއިރު، އެފަދަ ކަންކަމާ ދެކޮޅަށް ވެސް އޭރުގެ ސަރުކާރުން އެއްވެސް ފިޔަވަޅެއް އަޅާފައި ނުވާ ކަމަށެވެ.
