ރައްޔިތުންގެ މަޖިލީހުގެ އިންތިހާބުގެ ވޯޓުލުން ނިމި، ނަތީޖާތައް ގުނަމުން ދާއިރު، މިހާތަނަށް ކުރީގައި އުޅެނީ، ވެރިކަން ކުރާ ޕާޓީ ޕީއެންސީއެވެ.
Ads by Asuru
މިއަދުގެ އިންތިހާބުގައި ހަވީރު 5 ޖެހުމާ ހަމައަށް ވޯޓުލީ 207،693 މީހުންނެވެ. އީސީން އާންމުކުރި ތަފާސް ހިސާބުތަކުން އެނގޭ ގޮތުގައި ފަހެއް ޖެހުމާ ހަމައަށް 72.96 އިންސައްތަ މީހުން ވަނީ ވޯޓުލާފައެވެ.
ނަތީޖާތަކަށް ބަލާއިރު، ރައީސް ޑރ. މުހައްމަދު މުއިއްޒުގެ އެއްބަނޑު ކޮއްކޯފުޅު ފާތިމަތު ސައުދާ ވަނީ ގޮނޑި ކާމިޔާބު ކުރައްވާފައެވެ.
އޭނާ ވާދަކުރެއްވީ ފ. ނިލަންދޫ ދާއިރާއަށެވެ. ރައްޔިތުންގެ މަޖިލިހުގެ ހެންވޭރު ދެކުނު ދާއިރާގެ ޕީއެންސީ ކެންޑިޑޭޓު އިމްރާން ލަތީފް (އިންމަ) ކާމިޔާބު ކުރައްވާފައިވާ ކަމަށް ދައްކާއިރު، ހިތަދޫ މެދު ދާއިރާއަށް ވެސް ޕީއެންސީގެ ކެންޑިޑޭޓު، އަހުމަދު އަޒާން ހޮވިވަޑައިގެންފައިވެއެވެ.
މި އިންތިހާބުގައި ދެބައިކުޅައެއްބަޔަށްވުރެ ގިނަ މީހުން ވަނީ ވޯޓުލާފައެވެ.
