މިއަދު ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގައި ސަރުކާރު ހިންގާ ކޮންގްރެސް ޕާޓީން ބޮޑު އަގުލަބިއްޔަތަކުން ކާމިޔާބުކޮށްފިއެވެ.

Ads by Asuru

20 ވަނަ ރައްޔިތުންގެ މަޖިލީހުގެ ނަތީޖާ މިހާތަނަށް ފެންނަ ގޮތުން ގިނަ ވޯޓު ފޮށިތަކަކުން ކުރި ހޯދާފައިވަނީ ސަރުކާރު ކެންޑިޑޭޓުންނެވެ.

މިފަހަރުގެ މަޖިލިސް އިންތިހާބުގައި 284,663 މީހުންނަށް ވޯޓުލުމުގެ ހައްގު ލިބިފައިވާއިރު އޭގެ ތެރޭގައި ހިމެނެނީ 139,361 އަންހެނުންނާއި 145,302 ފިރިހެނުންނެވެ.

ހެނދުނު 8 ޖެހިއިރު ވޯޓުލުން ފަށާފައިވާއިރު، ވޯޓުލުމުގެ ކިއު ބަންދުކޮށްފައިވަނީ 5:30 ގައެވެ.

މި އިންތިހާބުގައި 603 އަށް ވުރެ ގިނަ ވޯޓްފޮށި ބަހައްޓާފައިވާއިރު ރާއްޖެއިން ބޭރުގެ ތިން ގައުމެއްގައިވެސް ވަނީ ވޯޓު ފޮށި ބަހައްޓާފައެވެ. އެއީ އިންޑިއާ، ސްރީ ލަންކާ އަދި މެލޭޝިއާގަ އެވެ.