ރާއްޖެ ޓީވީގެ ދުވަސް ދުއްވާލާނެ ކަމަށާއި، ހުޅުޖަހާނެ ކަމަށް ބުނެ އެ ސްޓޭޝަނަށް ފޭކު އައިޑީއަކުން އިންޒާރު ދިން މައްސަލަ އެ ސްޓޭޝަނުގެ ފަރާތުން ފުލުހުންނަށް ހުށަހަޅައިފިއެވެ.
މިއީ ޓެރަރިޒަމްގެ އަމަލެއް ކަމަށް ބެލެވޭތީ މިކަން ސީރިއަސް މައްސަލައެއްގެ ގޮތުގައި ބަލައިދިނުމަށް އެދިފައިވެއެވެ.
އަދި ރާއްޖެޓީވީއަށާއި، ރާއްޖެޓީވީގައި މަސައްކަތް ކުރާ މުވައްޒަފުންނަށް ލިބެންޖެހޭ ހިމާޔަތާއި ރައްކާތެރިކަން ފޯރުކޮށްދިނުމަށް ވެސް ވަނީ އެދިފައެވެ.
މީގެ އިތުރުން 2013 ވަނަ އަހަރު އޮކްޓޫބަރު މަހު 7 ވަނަ ދުވަހު ވެސް ރާއްޖެޓީވީ ހިންގަމުން އައި ހ.ކްއީން އޮފް ދަ ނައިޓް (ބީކޭޓީ ބިލްޑިން) އިމާރާތަށް ހަތިޔާރާއެކު ބަޔަކު ވަދެ ރާއްޖެޓީވީގެ މައި ސްޓޫޑިއޯގެ ތެރެއަށް ޕެޓްރޯލް އަޅާ ރޯކޮށްލުމުގެ ސަބަބުން ރާއްޖެޓީވީއަށް އިއާދަ ނުކުރެވޭވަރުގެ ގެއްލުންތަކެއް ލިބިފައިވާކަން ވަނީ ފާހަގަކޮށްފައެވެ.
