މޯލްޑިވިއަންގެ ހަތަރުވަނަ އޭޓީއާރް ބޯޓު ރާއްޖެ ގެނެސްފިއެވެ.

Ads by Asuru

މި ބޯޓު ރާއްޖެ އައިސްފައިވާއިރު، މި ބޯޓަށް ވެލާނާ އެއާޕޯޓުގައި ވޯޓާ ސެލިއުޓަކާއި އެކު ވަނީ މަރުހަބާ ކިޔާފައެވެ.

46 މީހުންގެ ޖާގައިގެ މި ބޯޓަކީ ފްރާންސްގެ އޭޓީއާރު ކުންފުންޏާއެކު މޯލްޑިވިއަން އިން ވެފައިވާ އެއްބަސްވުމުގެ ދަށުން ގަނެގެން ގެންނަ އޭޓީއާރް 600-42 މަރުކާގެ އާ ދެބޯޓުގެ ތެރެއިން އެއް ބޯޓެވެ.

މޯލްޑިވިއަން އިން ކުރިން ބޭނުން ކުރަމުންދިޔަ ޑޭޝް-8 މަރުކާގެ އެއާކްރާފްޓްތައް ބޭނުންކުރުން ހުއްޓާލައި، މިހާރު އެ އެއާލައިނުން ވަނީ އޭޓީއާރްގެ ތިން ބޯޓު ރާއްޖެއަށް ގެނެސްފައެވެ. މިހާތަނަށް އެ އެއާލައިނުން ރާއްޖެއަށް ގެނައީ، 600-42 މަރުކާގެ އެއް ބޯޓާއި، 600-72 މަރުކާގެ ދެ ބޯޓެވެ.

މޯލްޑިވިއަންގެ ފްލީޓުގައި މިވަގުތު 25 މަތިންދާބޯޓު އޮޕަރޭޓު ކުރަމުންދެއެވެ.