ހުޅުމާލޭގައި ކުރިއަށް ގެންދިޔަ މަސްތުވާތަކެތީގެ އޮޕަރޭޝަނެއްގައި އަށް މީހަކު ހައްޔަރު ކޮށްފިއެވެ.
Ads by Asuru
ފުލުހުން ބުނީ، ޑްރަގް އެންފޯސްމެންޓް ޑިޕާޓްމެންޓުން މި އޮޕަރޭޝަން ކުރިއަށް ގެންގޮސްފައިވަނީ ހުޅުމާލޭ ފުރަތަމަ ފިޔަވަހީގައި ކަމަށެވެ.
މި އޮޕަރޭޝަނުގައި އަށް މީހަކު ހައްޔަރު ކޮށްފައިވާއިރު، އޭގެ ތެރޭގައި ހިމެނެނީ ހަތް ފިރިހެނުންނާއި އަންހެނަކު ކަމަށް ފުލުހުން ވަނީ ބުނެފައެވެ. މި އެންމެންނަކީ ވެސް ދިވެހިންނެވެ.
އެމީހުން ހައްޔަރު ކޮށްފައިވާކަން ފުލުހުން ހާމަކުރި ނަމަވެސް ހައްޔަރު ކޮށްފައިވަނީ ކޮންތަނަކުން ކަމަށާއި އެމީހުންގެ އަތުން ފެނިފައިވާ މަސްތުވާތަކެތީގެ ތަފްސީލެއް ފުލުހުން އަދި ހާމަކޮށްފައެއް ނުވެއެވެ.
