އދ ގެ ފުރިހަމަ މެންބަރުކަން ފަލަސްތީނަށް ދިނުމަށް ފާސްކޮށްފިއެވެ.
މި މުހިންމު ނިންމުން ނިންމާފައި ވަނީ މިއަދު ކުރިއަށްދިޔަ އދ ގެ އާންމު މަޖިލީހުގެ ކުއްލި ބައްދަލުވުމުގައެވެ.
ފަލަސްތީނަށް ފުރިހަމަ މެންބަރުކަން ދިނުމަށް 143 ގައުމަކުން ވަނީ ރުހުން ދީފައެވެ.
މި މައްސަލައިގައި އދގެ 9 މެންބަރު ގައުމަކުން ވަނީ ފަލަސްތީނަށް ފުރިހަމަ މެންބަރުކަން ދިނުމަށް ހުށަހެޅި ގަރާރު ފާސްކުރުމާ ދެކޮޅަށް ވޯޓުދީފައެވެ. 25 ގައުމެއް، ވަކި ގޮތަކަށް ވޯޓު ނުދެއެވެ.
މި ގަރާރަކީ ދިވެހިރާއްޖެއިން ކޯ ސްޕޮންސަރ ކޮށްފައިވާ ގަރާރެކެވެ.
ރާއްޖެއިން ކޯ ސްޕޮންސަރކޮށްފައިވާ މި ގަރާރުގައި ވަނީ ފަލަސްތީނަކީ އދގެ މެމްބަރަކަށް ވުމަށް ޝަރުތުހަމަވާ ގައުމެއްކަމަށެވެ.
ފަލަސްތީނަކީ އދ ގެ ”އޮބްސަރވަރ ސްޓޭޓަސް“ގެ ގައުމަކަށްވާއިރު، ޔޫއެންގެ ފުރިހަމަ މެންބަރަކަށް ވުމަށްޓަކައި ސަލަމާތީ މަޖިލީހުގައި ނަގާފައިވާ ވޯޓުގައި އެއް ގައުމަކުން އެކަމާ ދެކޮޅަށް ވޯޓުލާފައިވުމުގެ ސަބަބުން އެކަމާ ހިތާމަފާޅު ކުރާކަމަށް ފާހަކޮށްފައިވެއެވެ.
އދ. ގެ މެންބަރުކަން ފަލަސްޠީނަށް ލިބޭނީ ސަލާމަތީ މަޖިލީހުން ފާސްވެގެން.
ޣައްޒާ ޔަހޫދީންނަށް ދީފަ ފަލަސްޠީން ހިންހަމަ ޖައްސަ ދިނުމަށް މެންބަރުކަން ދިނީ ،
ޢެމެރިކާ އާއި އިޒުރޭލުގެ ޖައްބާރުންގެ ބާރުތައް ނެތިކުރައްވާށި އެވެ.