ތ.ކަނޑޫދޫގައި ފާރެއް ވެއްޓި، ބޮޑެތި އަނިޔާތަކެއް ލިބުނު ކުޑަ ކުއްޖާ އެއާ އެމްބިއުލާންސްގައި، އިތުރު ފަރުވާއަށް މާލެ ގެނެސްފިއެވެ.
Ads by Asuru
އިއްޔެ އެ ރަށުގެ، މައި މަގަށް ވާ ގޮތަށް ހުރި ގިނަ ދުވަސްވީ ފާރެއް ވެއްޓުނީ ވިއްސާރަވެ، ވައިގަދަވުމުގެ ސަބަބުންނެވެ.
ފާރު ވެއްޓުނީ އުމުރުން 10 އަހަރުގެ ފިރިހެން ކުއްޖެއްގެ ގަޔަށެވެ. މި ހާދިސާގައި އެ ކުއްޖާގެ ހަށިގަނޑަށް ގިނަ ޒަހަމްތަކެއް ލިބިގައިވާ ކަމަށް މައުލޫމާތު ލިބެއެވެ.
މިކަމާ ގުޅިގެން ކަނޑޫދޫ ކައުންސިލުގެ ރައީސް އަޙްމަދު ރީހާން ވިދާޅުވީ ކުއްޖާއަށް ލިބުނު އަނިޔާތަކަށް އިތުރު ފަރުވާ ދިނުމަށް މިއަދު ހެނދުނު މާލެ ގެނެސްފައިވާ ކަމަށެވެ.
ފުލުހުން އަންނަނީ މި ހާދިސާއާއި ގުޅިގެން ބަލަންޖެހޭ ކަންކަން ބަލަމުންނެވެ.
