ޗައިނާގެ ބޭންކެއް ރާއްޖެ ގެނައުމުގެ މަސައްކަތް ސަރުކާރުން ފަށައިފިއެވެ.
Ads by Asuru
ޓީވީ ޕްރޮގްރާމެއްގައި ވާހަކަދައްކަވަމުން ފޮރިން މިނިސްޓަރު މޫސާ ޒަމީރު ވިދާޅުވީ ޗައިނާގެ ބޭންކެއް ރާއްޖެ ގެނައުމަށްޓަކައި އެއްބަސްވުމެއްގައި ސޮއިކުރުމުގެ މަސައްކަތް ސަރުކާރުން ކުރަމުން އަންނަ ކަމަށެވެ.
ޭ
ބޭންކު ރާއްޖޭގައި އޮޕަރޭޓްކުރުމުގެ މަސައްކަތްތައް ހަމަޖެއްސުމަށް ރާއްޖެއިން ޗައިނާއަށް ކަނޑައަޅުއްވާފައި ހުންނަވާ ސަފީރު އެ ބޭންކު ހުންނަ ޕްރޮވިންސަށް ވަޑައިގެން މަސައްކަތް ކުރައްވަމުން ގެންދަވާ ކަމަށް ވެސް ޒަމީރު ވިދާޅުވިއެވެ.
މިނިސްޓަރު ވިދާޅުވީ ރާއްޖޭގައި ޑިވެލޮޕްމަންޓް ބޭންކެއް ގާއިމުކުރެވުމުން، ރާއްޖެއަށް އަންނަ އިންވެސްޓްމަންޓުތައް އިތުރުވެގެންދާނެކަމަށެވެ.
އަދި އެކަމުގެ ނަފާ ރާއްޖެއަށް ކުރާނެ ކަމަށް ވިދާޅުވިއެވެ.
މިނިސްޓަރު ޒަމީރު އިތުރަށް ވިދާޅުވީ ޗައިނާ ދަތުރުގައި، އެ ގައުމުން ރާއްޖެއަށް އަންނަ ފްލައިޓުތައް އިތުރުކުރަންވެސް މަޝްވަރާތައް ކުރެވުނު ކަމަށެވެ.
