މާލެ ސިޓީ ކައުންސިލަށް އަލަށް ހޮވިވަޑައިގެންނެވި ތިން މެމްބަރުން ހުވާކުރައްވައިފިއެވެ.
އަލަށް އިންތިހާބުވި ތިން ކައުންސިލަރުން ހުވާކުރުމަށްޓަކައި މިއަދު މާގިރީގައި ބޭއްވި ރަސްމިއްޔާތުގައި ތިން ކައުންސިލަރުން ހުވާ ލައްވައިދެއްވާފައިވަނީ ޑްރަގް ކޯޓުގެ ގާޒީ މުހައްމަދު ސަމީރުއެވެ.
މިދިޔަ މަހުގެ 20 ގައި ބޭއްވި ބައި އިލެކްޝަނުގައި މާލެ ސިޓީ ކައުންސިލުގެ ތިން ގޮނޑިވެސް ވެރިކަން ކުރާ ޕީއެންސީން ކާމިޔާބު ކުރިއިރު، އަލަށް ހުވާ ކުރެއްވި ތިން މެމްބަރުންނަކީ ހުޅުމާލެ ދާއިރާގެ ކައުންސިލަރު އަލީ އައިމަން އާއި ހެންވޭރު ހުޅަނގު ދާއިރާގެ ކައުންސިލަރު ފާތުމަތު ޝައުފާ ސަލީމާއި، މައްޗަންގޮޅި މެދު ދާއިރާގެ މެމްބަރު ފާތިމަތު އިޝާން އަލީއެވެ.
މި ތިން ދާއިރާގެ ގޮނޑި ހުސްވީ މީގެ ކުރިން އެ ދާއިރާގެ ގޮނޑިތަކުގައި ތިއްބެވި މެމްބަރުން މަޖިލީހަށް އިންތިހާބުވެވަޑައިގަތުމާއި ގުޅިގެންނެވެ.
