ހުޅުމާލެ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓުތަކުގެ އޭސީ ޑްރެއިން ހޮޅިން ފެން ލީކުވާ މައްސަލަ އެޗްޑީސީން ހައްލު ކުރަން ފަށައިފިއެވެ.
Ads by Asuru
އެޗްޑީސީން ރޭގެ ވަގުތެއްގައި ކޮށްފައިވާ އިއުލާނެއްގައި ބުނެފައި ވަނީ ހިޔާ މަޝްރޫއުގެ ދަށުން އަޅާފައިވާ ފްލެޓުތަކުގެ އޭސީން ފެން ބޭރުވާ ހޮޅިތައް ގުޅުމަށް ކަނޑައެޅިފައިވާ މައި ހޮޅިއަށް ބައެއް ފްލެޓުތަކުން ހޮޅި ގުޅާފައި ނުވުމުގެ ސަބަބުން އިމާރާތުގެ ވައި ގޮޅިތަކުން ފެން ފައިބާ، އިމާރާތަށާއި ބައެއް ފްލެޓުތަކަށް ގެއްލުން ލިބެމުންދާކަން އެ ކޯޕަރޭޝަނަށް ފާހަގަ ކުރެވިފައިވާ ކަމަށެވެ.
އެހެންކަމުން ހިޔާ ފްލެޓުތަކުގައި ދިރިއުޅޭ ރައްޔިތުންނާ ބައްދަލުކޮށް މި މައްސަލަ ހައްލު ކުރަން ބޭނުންވާ ކަމުގައި އިއުލާނުގައިވެއެވެ.
އެގޮތުން އެޗްޑީސީގެ މުވައްޒަފުން އަންނަ އާދިއްތަ ދުވަހުން ފެށިގެން ހިޔާ ފްލެޓުތަކަށް ޒިޔާރަތް ކުރާނެއެވެ.
އަދި ޓަވަރުތަކަށް ޒިޔާރަތް ކުރުމަށް ތާވަލު ކުރެވޭ ގޮތުގެ މައުލޫމާތު ހިޔާ 7،000 ވައިބާ ކޮމިއުނިޓީގައި ހިއްސާ ކުރަމުންދާނެ ކަމަށް އިއުލާންގައިވެއެވެ.
އެހެންކަމުން މި މައްސަލަ ކުރުމަށް އެ ކޯޕަރޭޝަނުން ކުރަމުންދާ މަސައްކަތަށް ހިޔާގައި ދިރިއުޅޭ މީހުންގެ އެއްބާރުލުން ދެއްވުމަށް އެދޭ ކަމަށް އެޗްޑީސީން ބުނެފައިވެއެވެ.
