ހުޅުމާލެ ދެވަނަ ފިޔަވަހީގައި އިމާރާތްކޮށްފައިވާ ވިނަރެސް ފުލެޓުތަކުގެ އެކްސެސް ކޮންޓްރޯލް ސިސްޓަމް އަލުން ބޭނުން ކުރަން ތައްޔާރުވެއްޖެއެވެ.
Ads by Asuru
ހައުސިން ޑިވެލޮޕްމަންޓް ކޯޕަރޭޝަން(އެޗްޑީސީ) އިން އިއްޔެ ކުރި އިއުލާނެއްގައި ވަނީ ވިނަރެސްގެ އެކްސެސް ކޮންޓްރޯލް ސިސްޓަމާއި ދޮރުތަކަށް ލިބިފައިވާ ގެއްލުންތައް މަރާމާތު ކުރުމަށްފަހު އަންނަ އާދިއްތަ ދުވަހުން ފެށިގެން ބޭނުން ކުރުމަށް ހަމަޖެހިފައިވާ ކަމަށް ބުނެފައެވެ.
އެ ކޯޕަރޭޝަނުން ބުނީ މިކަމާ ގުޅިގެން ވިނަރެސްގެ ޓެގް ނުނަގާ މީހުން ވީ އެންމެ އަވަހަށް އެކްސެސް ޓެގް ވިނަރެސް 10ގެ މެނޭޖްމަންޓް އޮފީހުން ހަވާލުވުމަށް އެދޭ ކަމުގައެވެ.
ވިނަރެސްގެ އެކްސެސް ކޮންޓްރޯލް ސިސްޓަމަކީ އިމާރާތުގައި ދިރިއުޅޭ މީހުންގެ ސަލާމަތާއި ރައްކާތެރިކަން ކަށަވަރު ކުރުމަށް ގާއިމުކޮށްފައިވާ ހިދުމަތެކެވެ.
އެޗްޑީސީގެ އިއުލާންގައި ވަނީ މިފަދަ ސިސްޓަމްތަކަށް ގެއްލުން ދިނުމުގެ ސަބަބުން ހިދުމަތް ބޭނުން ކުރާ އެންމެންގެ ހައްގަށް އުނިކަން އަންނާނެ ކަމަށާއި، މި ތަކެއްޗަށް ގެއްލުންދޭ މީހުންނާ މެދުގައި ފިޔަވަޅު އަޅާނެ ކަމަށް ބުނެފައެވެ.
