ހުޅުމާލޭގައި ބިދޭސީން ހިންގަމުންދާ ކޮފީ ޓޭކްއަވޭ ފިހާރަތަކަށް ހާއްސަކޮށް އިމިގްރޭޝަނުން ހިންގި ރެއިޑެއްގައި އަންގާރަ ދުވަހުގެ ހަވީރު ހަތް ތަނެއް ބަލާ ފާސްކޮށްފިއެވެ.
އިމިގްރޭޝަނުން ބުނީ މި ތަންތަން ބަލާ ފާސްކޮށް ގަވާއިދާ ހިލާފަށް މަސައްކަތް ކުރަމުންދިޔަ ހަތަރު ބިދޭސީއެއް އިމިގްރޭޝަނުގެ ބެލުމުގެ ދަށަށް ގެނެސްފައިވާ ކަމަށެވެ.
ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ރައްޔިތުން ދޭ އެއްބާރުލުން ފާހަގަކޮށް އިމިގްރޭޝަނުން ވަނީ ޝުކުރު އަދާކޮށްފައެވެ.
އަދިވެސް މިފަދަ މައްސަލަތައް ”އިމިގްރޭޝަން ވޮޗް“ މެދުވެރިކޮށް ރިޕޯޓު ކުރަމުން ދިއުމަށް ވެސް އިމިގްރޭޝަނުން ވަނީ އެދިފައެވެ.
ގަވައިދާ ހިލާފަށް އުޅޭ ބިދޭސީން ރިޕޯޓް ކުރުމަށް އޮންލައިން ޕްލެޓްފޯމް ”އިމިގްރޭޝަން ވޮޗް“ މިިދިޔަ ޖުލައި މަހުގެ 17 ވަނަ ދުވަހު އިފްތިތާހު ކޮށްފައިވެއެވެ.
އިމިގްރޭޝަން ވޮޗް އަށް ލިބޭ މައުލޫމާތާ ގުޅިގެން ގިނަ ތަންތަން މިހާތަނަށް ވަނީ ބަލައި ފާސްކޮށްފައެވެ.
