ހުޅުމާލެއަށްދާ ހައިވޭގައި ހިނގި އެކްސިޑެންޓަކާ ގުޅިގެން ދެ މީހަކު ހޯދަން ފުލުހުން ވީޑިއޯއެއް އާންމުކޮށްފިއެވެ.
Ads by Asuru
ހޯދަން ބޭނުންވާ ދެ ފިރިހެނެއްގެ ވީޑިއޯ މީސްމީޑިއާގައި އާއްމު ކުރަމުން ފުލުހުން ބުނެފައިވަނީ ވީޑިއޯ އިން ފެންނަ މީހުންނަކީ މެއި 30 ވަނަ ދުވަހުގެ ރޭގެ ވަގުތެއްގައި ހިނގާފައިވާ އެކްސިޑެންޓަކާ ގުޅިގެން ހެންވޭރު ޕޮލިހުން ތަހުގީގު ކުރަމުންދާ މައްސަލައަކަށް ހޯދަން ބޭނުންވާ ދެ މީހުން ކަމަށެވެ.
އެ މީހުން ހޯދަން ވީޑިއޯ ފުޓޭޖް އާންމުކުރީ އެމީހުންނަކީ ކޮންބައެއްކަން އެއިން ދެނެގަތުމަށް ދަތިވެފައިވާތީ ކަމަށް ފުލުހުން ބުނެއެވެ.
ފުލުހުން ކޮށްފައިވާ އިއުލާނުގައި ބުނެފައިވަނީ ވީޑިއޯއިން ފެންނަ މީހުންނާ ބެހޭ އެއްވެސް މައުލޫމާތެއް އެނގޭ ނަމަ ލަސްނުކޮށް ހެންވޭރު ފުލުހުންގެ ނަންބަރު، 9400053 އަށް ގުޅައި ހިއްސާކުރަން އެދޭކަމަށެވެ.
