ހުޅުމާލޭގެ އެކި ސަރަހައްދުތަކުގެ ދުވާރުމަތީގައާއި ހެޖުތެރޭގައި ބަހައްޓާފައި ހުންނަ ގޮނޑި އާ މޭޒުތައް ފަދަ ތަކެތި ނެގުމަށް ތަކުރާރުކޮށް އެންގުމުން ވެސް، އެކަން ކޮށްފައި ނުވާތީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން އެތަކެތި ނަގަން ފަށައިފިއެވެ.
ދުވާރުމަތިން ގޮނޑިއާއި މޭޒުތައް ނަގަނީ ހުޅުމާލެއަކީ ހިތްފަސޭހަ ތަނަކަށް ހެދުމަށް ކަމަށް ވެސް އެޗްޑީސީން ބުންޏެވެ.
ހުޅުމާލޭގައި އާއްމުންނަށް ދަތިވާ ގޮތަށް ހުންނަ ތަކެތި ނެގުމުގެ ތެރެއިން . ފޮޓޯ/ އެޗްޑީސީ
އެޗްޑީސީން ވަނީ، އާއްމުންނަށް ދަތިވާ ގޮތަށް ދުވާރުތަކުގައި ބަހައްޓާފައިވާ ތަކެތި ނެގުމަށް ތަކުރާރުކޮށް އެދިފައެވެ.
އެގޮތުން އެ ކޯޕަރޭޝަނުން މި މަހުގެ އެއްވަނަ ދުވަހުކުރި އިއުލާނެއްގައި ބުނެފައިވަނީ ހުޅުމާލޭގެ ދުވާރުމައްޗާއި ހެޖުތެރޭގައި ގޮނޑިއާއި މޭޒު ބަހައްޓައިގެން ވިޔަފާރި އުސޫލުން ބޭނުން ކުރުމަކީ މަނާ ކަމެއް ކަމަށެވެ.
