އިދިކޮޅު ފަރާތްތަކަށް އަނިޔާކޮށް، ބެނާތައް ނަގަމުން އަންނައިރު، ގައުމު އޮތް ހާލަތު ދިވެހި ފުލުހުންނަށް ފެނޭތޯ، ކުރީގެ ނައިބު ރައީސް ޑރ.މުހައްމަދު ޖަމީލު އަހުމަދު ސުވާލު ކުރައްވައިފިއެވެ.
އައްޑޫ ސިޓީގައި ހިންގި މާރާމާރީއެއްގައި ޒަހަމްވި ޒުވާނާ މަރުވި ޚަބަރު، ޓްވިޓަރގައި ހިއްސާ ކުރައްވައި ޑރ.ޖަމީލު ވަނީ ފުލުހުންނާއި ޕޮލިސް ކޮމިޝަނަރު މުހައްމަދު ހަމީދު ”އަސްލު“ މަސްއޫލިއްޔަތު އަދާކުރައްވަން ނުވޭތޯ ސުވާލު ކުރައްވައިފައެވެ.
އެމަނިކުފާނު ވަނީ، ބެނާތައް ނެގުމަށްވުރެ ބޮޑެތި މައްސަލަތައް ހުރިކަން ފާހަގަކުރައްވައިފައެވެ.
”ރާއްޖެ ޑްރަގުގެ ހާއްޔަކަށް ވެފައި. އަމަންއަމާންކަން ގާއިމު ކުރަން އިހްލާސްތެރިވާންވީ.“ އެމަނިކުފާނު ވިދާޅުވިއެވެ.
ޑރ.ޖަމީލު އިތުރަށް ވިދާޅުވީ މިހާރު ފެންނަމުންދަނީ، ފުލުހުން ފެެއިލްވުމުގެ ނަތީޖާ ކަމަށެވެ.
އަދިވެސް @PoliceMv އާއި @M_Hameedh އަސްލު މަސްއޫލިއްޔަތު އަދާކުރަން ނުވޭ؟ ރާއްޖެ ޑްރަގުގެ ހާއްޔަކަށްވެފައި. އަމަންއަމާންކަން ޤާއިމްކުރަން އިޚްލާސްތެރިވާންވީ. އިދިކޮޅު މީހުންނަށް އަނިޔާކޮށް ބެނާ ނަގާއިރު ޤައުމްގެ ޙާލަތު ފެނޭ؟ މިވެރިކަމުގައި ފުލުހުން ފެއިލްވުމުގެ ނަތީޖާ މިފެންނަނީ. https://t.co/ZbMzNXnajl
— Mohamed Jameel Ahmed (@MJameelAhmed) June 2, 2022
ގޭންގު ކުށްތަކާއި މަސްތުވާތަކެތީގެ މައްސަލަތައް ވަރަށް ބޮޑަށް އިތުރުވެފައިވާއިރު، މިކަންކަން ހުއްޓުވުމުގައި ފުލުހުން ފެއިލް ވެފައިވާ ކަމަށް ފާޑުކިޔާ ފަރާތްތަކުން ބުނެއެވެ.
މިހާލަތުގައިވެސް ސަލާމަތީބާރުތަކުން އިސްކަން ދެނީ ”އިންޑިއާ އައުޓް“ ކެމްޕެއިން ފަދަ އިދިކޮޅުގެ ހަރަކާތްތައް ހުއްޓުވައި، ބެނާތައް ނެގުމަށް އެކަނި ކަމަށް ބުނެ، ގިނަ ބައެއްގެ ނުރުހުންވެސް ފުލުުހުންނަށް ވަނީ އަމާޒުވެފައެވެ.
ޖަމީލު އަށް ފެންނަނީ އަވަރުކޮށް ހެން ހީވަނީ
ރައިޔަތުންގެ ދިފާއުގަ ޕޮލިހުންނާއި ސިފައިންގެ އެއްވެސް ދައުރެށް ވާހެނެށް ހީޔެށްނުވޭ މުޅިންވެސް ވފެންނަނީ ޕޮލިހުންނާއި ސިފައިން ތިމާމެން ހިމާޔަށް ކޮއްބަލަހައްޓަން ޖެހޭރައިޔަތުންނަށް އަނިޔާ ވެރިވާމަންޒަރެވެ.ބުދިސްޓުން ހިމާޔަތް ކުރުމަށް މަސަށްކަތްކުރާ މަންޒަރެވެ.މީވަރަށްހިތާމަހުރި ކަމެށް