ހޯމް މިނިސްޓަރުގެ މަގާމުގައި ހުންނެވި ޝެއިހު އިމްރާނަކީ ކާހިނެއްތޯ، ޝެއިހު ސައުދާން ސުވާލު ކުރައްވައިފިއެވެ.

ޝެއިހް ސައުދާން މީސްމީޑިއާ އެޕް، އެކްސްގައި މި ސުވާލު ކުރެއްވީ، ރައީސް އިބްރާހީމް މުހައްމަދު ސޯލިހުގެ ކެމްޕެއިން ޖަލްސާއެއްގައި އިމްރާން ދައްކަވަމުން ގެންދަވާ ވާހަކަތަކާއި ގުޅިގެންނެވެ.

ސައުދާން ހިއްސާ ކުރެއްވި ވީޑިއޯގައި، އިމްރާާން ވިދާޅުވަނީ ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއަށް ވެރިކަން ލިބިވަޑައިގެންފިނަމަ، މި ސަރުކާރުން ދިން ގޯއްޗާއި ފްލެޓް ވެސް އަތުލާނެކަން އެނގިވަޑައިގަންނަވާ ކަމަށެވެ. ޝެއިހު އިމްރާނަކީ ކާހިނެއްތޯ އާއި ސިހުރުވެރިއެއްތޯ ސައުދާން އަދި ވަހީ އަންނަނީތޯ ވެސް ސައުދާން އެއްސެވިއެވެ.

ޝެއިހު އިމްރާާން މީގެ ކުރިން ވަނީ މުއިއްޒުގެ ހިތްޕުޅަށް އަރާވަޑައިގަންނަވާ އެއްޗެހިވެސް އޭނާއަށް އެނގިވަޑައިގަންނަވާ ކަމަށް ވިދާޅުވެ، ހިޔާލީ ވާހަކަތަކެއް، ކެމްޕެއިން ޖަލްސާއެއްގައި ދައްކަވައިފައެވެ.