ބ. އޭދަފުށީ ފަޅުތެރޭގައި ނިޔާވެފައި އޮތް މީހަކު ފެނިއްޖެއެވެ.
ނިޔާވެފައިވަނީ، އެ ރަށަށް ނިސްބަތްވާ އުމުރުން 82 އަހަރުގެ އަލީ އަބްދުﷲއެވެ. އޭނާގެ ހަށިގަނޑު ފެނިފައިވަނީ ފަޅުތެރޭގައި އަޅާފައި އޮތް ލޯންޗެއްގައި ތިބި ބަޔަކަށެވެ.
އޭދަފުށީ ކައުންސިލްގެ ނައިބު ރައީސް އަލީ ޝަފީގު މީޑިއާތަކަށް މައުލޫމާތު ދެއްވަމުން ވިދާޅުވީ، ބެލެވޭ ގޮތުގައި އަލީ އަބްދުﷲ މޫދަށް އެރިފައިވަނީ ރޭގެ ވަގުތެއްގައެވެ.
އެގޮތުން ރޭ 10 ޖަހާކަންހާއިރު ބަނދަރު ސަރަހައްދުން އޭނާ ފެނުނު ކަމަށް ރަށު މީހުންނާ ހަވާލާދީ އޭނާ ވިދާޅުވިއެވެ. ފުލުހުން މިހާރު ދަނީ އެ ސަރަހައްދުގެ ސީސީޓީވީ ފުޓޭޖްތައް ބަލައި، ކަން ހިނގާދިޔަ ގޮތް ތަހުގީގު ކުރަމުންނެވެ.
އޭނާގެ ހަށިގަނޑުން ބޭރުފުށުގެ އެއްވެސް އަނިޔާއެއް ފެންނާކަށް ނެތެވެ. ނަމަވެސް، އިތުރު ތަހުލީލުތައް ކުރުމަށްޓަކައި ހަށިގަނޑު މިހާރު ވަނީ ރ. އުނގޫފާރު ރީޖަނަލް ހޮސްޕިޓަލަށް ގެންދިއުމުގެ މަސައްކަތް ފަށާފައެވެ.
