ޕީޕީއެމްގެ ރިޔާސީ ކެންޑިޑޭޓެއް ނެތް ކަމަށް ވިދާޅުވެ، އިލެކްޝަންސް ކޮމިޝަންގެ ކުރީގެ ރައީސް އަހުމަދު ޝަރީފު ފާޑުވިދާޅުވެއްޖެއެވެ.
ކ.މާފުށީގައި ރޭ އެމްޑީޕީން ވަނީ ރިޔާސީ ކެމްޕެއިންގެ ޖަލްސާއެއް ބާއްވައިފައެވެ. މި ޖަލްސާގައި ވާހަކަ ދައްކަވަމުން ސްޓެލްކޯގެ އެމްޑީގެ މަގާމުގައި ހުންނެވި ޝަރީފު ވިދާޅުވީ މި ފަހަރުގެ ރިޔާސީ އިންތިހާބުގައި ވާދަ ކުރަނީ އެމްޑީޕީން އެކަނި ކަމަށެވެ.
އަދި ބައެއް ފަރާތްތަކުން ކެމްޕެއިން ކުރަމުންދަނީ ”ހިޔަންޏަށް މުޑި ނަގާހެން“ ކަމަށް ވެސް ވިދާޅުވިއެވެ.
”އަޅުގަނޑުމެން މި ދަންނަވަނީ ކެންޑިޑޭޓަކު ދައްކާށޭ. ޔަގީނޭ ބަލި ކުރާނަމޭ.“ އޭނާ ވިދާޅުވިއެވެ.
ޕީޕީއެމްގެ ރިޔާސީ ކެންޑިޑޭޓަކީ އިދިކޮޅު ލީޑަރު ރައީީސް ޔާމީނެވެ. އެމަނިކުފާނަށް 11 އަހަރުގެ ޖަލު ހުކުމެއް އިއްވާފައިވާއިރު، އެ މައްސަލައިގެ އިސްތިއުނާފު އަޑުއެހުންތައް ހައި ކޯޓުގައި ވަނީ ފަށާފައެވެ.
ނަމަވެސް ފަނޑިޔާރަކު ޗުއްޓީ ނެންގެވުމުން، އަޑުއެހުންތައް ވަނީ މަޑު ޖެހިފައެވެ. މިއީ ރައީސް ޔާމީންގެ އިންތިހާބީ ހައްގަށް އަރައިގަތުމަށް ސަރުކާރުން ކުރުވާ ކަމެއް ކަމަށް އިދިކޮޅުން ބުނެއެވެ.
ދެން ކީއްކުރާ އިންތިހާބެއް.
ކަލެއަށް އެކަން އިނގޭނެ ވޯޓް ނަގާ ދުވަހު.ކަލޭ ރާއްޖޭގަ ހުރެއްޖެއްޔާވެސް ނަސީބު.މިފަހަރު ޗޯރު ބަލި ކުރާނީ ކިހިލީގަ ޖަހައިގެން.ދަރަނިބޯ ޗޯރު ވަށައިގެން ރުފިޔާ އަށް އެނބުރޭ ބައިގަނޑު ތިބޭނެ ވޯޓްލާ ނިމުނީމަ ބިމަށް ބޯ ކޮށްޕައިގެން .ބަލަ ކަލޭ މިހާރުވެސް ތިހިރީ ވޯޓް އޮޅުވާލީމަ ވެދުމަށް އެރުވި މަގާމެއްގަ.ކަލޭ ކިޔަން ޖެހޭނީވެސް ތިހެން ހިތާ ދެކޮޅަށްވެސް.އެހެން ނޫނިއްޔާ މާދަން ގޭގަ މަޑުކޮށްލަން އަންގާނީ .