ޖުމްހޫރީ ޕާޓީ (ޖޭޕީ) ގެ ކުރީގެ ސެކްރެޓަރީ ޖެނެރަލް އަލީ އާރިފް، ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒަށް ތާއީދު ކުރައްވަން ނިންމަވައިފިއެވެ.

އަލީ އާރިފްގެ އަނބިކަނބަލުން މާޝާ ރޭ ކުރެއްވި ޓުވީޓެއްގައި ވިދާޅުވީ ގައުމަށާއި ރައްޔިތުންނަށް އެންމެ ފައިދާ ހުރީ މުހައްމަދު މުއިއްޒުގެ ވެރިކަމެއް ގާއިމް ކުރެވިގެން ކަމަށް ގަބޫލު ކުރައްވާކަމަށާއި، މުއިއްޒުއަކީ އެކަމަށް އެންމެ ގާބިލް ބޭފުޅާކަމާށް ގަބޫލު ކުރައްވާ ކަމަށެވެ.

ވައިކަރަދޫ ދާއިރާއާއި ކެލާ ދާއިރާގެ މެންބަރުކަން ވެސް ކުރައްވާފައިވާ އަލީ އާރިފަކީ ހއ.ވަށަފަރަށް ނިސްބަތްވެވަޑައިގަންނަވާ ބޭފުޅެކެވެ. އަލީ އާރިފާއި މުއިއްޒުއަކީ އާއިލީ ގޮތުން ދެބެއިންގެ ދެދަރި ދެބޭފުޅުންނެވެ.