އިދިކޮޅު ލީޑަރު، ރައީސް ޔާމީން އަބްދުލްގައްޔޫމަށް ޕްރޮގްރެސިވް ޕާޓީ އޮފް މޯލްޑިވްސް(ޕީޕީއެމް)ގެ ރިޔާސީ ޓީކެޓު އެރުވުމުން، އެމަނިކުފާނު އެކަން ބަލައިގަތް ވާހަކަ ރާއްޖޭގެ ނޫސްތަކުގެ ފަލަ ސުރުހީއަށް އެރުމުން، ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަން ކޯފާވެއްޖެއެވެ.
އިކްރާމް މިއަދު ކުރެއްވި ޓްވީޓެއްގައި ވިދާޅުވެފައިވަނީ ހުރިހާ ނޫސްތަކެއްގައިވެސް އޮތީ، ރައީސް ޔާމީނަށް އިދިކޮޅުގެ ރިޔާސީ ޓިކެޓު ދޭން ނިންމި ހަބަރު ކަމަށެވެ.
އޭނާ ވަނީ މިއީވެސް ހަބަރެއްތޯ ސުވާލު ކުރައްވާފައެވެ.
”އަވަސް އަރައިގަނެގެން ބަޔަކު ވާހަކަތަކެއް ދައްކާ އުޅޭ ކަހަލަ.“
Hurihaa noos thakehga RYameenah idhikolhu riyaasee ticket dheyn nimmi habaru!! Mives habarehtho? Avas araiganegen bayaku vaahaka thakeh dhakkaa ulhey kahala.
— Ikram Hassan MP (@ikramhassan) July 31, 2022
ޕީޕީއެމް އިން އިއްޔެ ބުނީ، އެ ޕާޓީގެ ރިޔާސީ ޓިކެޓް ރައީސް ޔާމީނަށް ދިނުމަށް ޕީ.ޕީ.އެމް/ޕީ.އެން.ސީގެ ޖޮއިންޓް ކައުންސިލުން ނިންމާ، ރައީސް ޔާމީން އެކަން ގަބޫލުފުޅު ކުރައްވާ ކަމަށެވެ.
ޕީއެންސީގެ ރައީސް އަބްދުއްރަހީމް ވިދާޅުވީ ފަސް އަހަރުގެ ދައުރެއް ފުރިހަމަ ކުރެއްވި ރައީސް ޔާމީން، 2023 ވަނަ އަހަރުގެ ރިޔާސީ އިންތިހާބު އެއްބުރުން ކާމިޔާބު ކުރައްވާނެ ކަމަށެވެ.