މިދިޔަ އާދިއްތަ ދުވަހު ބޭއްވި 20 ވަނަ ރައްޔިތުންގެ މަޖިލިސް އިންތިހާބުގައި ވިލިމާލެ ދާއިރާއަށް އަމިއްލަ ގޮތުން ވާދަކުރެއްވި ކެންޑިޑޭޓް އަދި މިހާރު ވިލިމާލެ ދާއިރާގެ ކައުންސިލަރ ނަހުލާ އަލީގެ ކެމްޕެއިނުގައި މަސައްކަތް ކުރި މީހުންނަށް ފައިސާ ނުދޭކަމުގެ ޝަކުވާތަކެއް ފެންމަތިވެއްޖެއެވެ.
ސޯޝަލް މީޑިއާގައި އަލީ ރިޔާޒް ކިޔާ މީހަކު ހިއްސާކޮށްފައިވާ ޕޯސްޓެއްގައި ބުނެފައިވަނީ އިންތިހާބުގައި ވޯޓު ފޮށި ކައިރީގައި ހަރަކާތްތެރިވާ ފަރާތްތަކަށް 3000 ރުފިޔާ ދޭން ބުނުމުން މަސައްކަތް ކުރި ކަމަށާއި، އިންތިހާބު ނިމުމަށްފަހު ދެތިން ދުވަސްތެރޭގައި ފައިސާ ދޭނެކަމަށް ބުނި ނަމަވެސް އަދިވެސް އެ ފައިސާ ނުލިބޭކަމަށެވެ. އަދި ނަހުލާ ފޯނަށް ޖަވާބު ނުދޭ ކަމަށާއި ނަމްބަރުވެސް މިހާރު ވަނީ ބްލޮކް ކޮށްލާފައި ކަމަށް ރިޔާޒް ބުންޏެވެ.
ރިޔާޒް ވަނީ މިކަމާ ގުޅޭ ގޮތުން ނަހުލާގެ ކޮއްކޮ، ނަފްހާއަށް ވައިބަ އިން ކޮށްފައިވާ މެސެޖުތަކުގެ ސްކްރީންޝޮޓްތަކެއް ސޯޝަލް މީޑިއާގައި ހިއްސާކޮށްފައެވެ. އެ މެސެޖުތަކުން ފެންނަ ގޮތުން ނަފްހާ ފަހުން ބުނެފައިވަނީ ފައިސާގެ ކަންތައް އިނގޭނީ ދޮންތައަށް ކަމަށާއި އިންތިހާބު ނިމުނުފަހުން ނަފްހާއަށްވެސް ނަހުލާއަށް ގުޅިފައި ނުވާކަމަށެވެ.
ރިޔާޒް ހިއްސާކޮށްފައިވާ ޕޯސްޓަށް ބައެއް ފަރާތްތަކުން ކޮމެންޓް ކޮށްފައިވާގޮތުގައި ނަހުލާއަކީ މީގެ ކުރިންވެސް މީހުން ލައްވާ އެފަދައިން މަސައްކަތް ކުރުވުމަށްފަހު ފައިސާ ނުދޭ މީހެކެވެ.
މިކަހަލަ މީހުންނައް މެމްބަރުކަން ތަބަކައްލާފަދޭން މިފާޑައް އުޅޭމެމްބަރު ވިދެނީ
މީނަ އެކަމަކު މީނަގެ ދާއިރާގެ ސަރުކާރު އޮފީސއތަކޭ ކިޔާފަ ދޮގު ބުހުތާން ފަތުރާއިރު މިގުރީ މީނަގެ ހާލު. ކަމެއް ރަނގަޅު ކުރަން ނޫޅެ އަނަފުޅާކޮއްފަ ކަލަ ގޮވާ އަދި އެހެން މީހުންގެ ބުރަ މަސައްކަތަށްވެސް ނަންވެގެން ތެޅުނީމަ ނުހޮވުނީ. އަދި ބޯކޮށް ފައިސާ ބަހާ ފޫބުޑުގަ އުޅޭ މީހުން ލައްވާ ސަރުކާރު މުވައްސަސާތަކޭ ކިޔާފަ ފޭކު ޕޯސްޓު ވެސް ޖެހުވި. އެހެން ނޫންނަމަ ޕީޕީ އަށް ހުސްވެގެން ތިބި މީހުން ފިޔަވާ އެންމެން ނަހުލާ ހޮވަން އުޅުނީސް. ދެންވެސް ދަރަނި އަދާކުރޭ