މިހާރު ހިނގަމުންދާ 19 ވަނަ ރައްޔިތުންގެ މަޖިލީހުގެ އެންމެ ފަހު ޖަލްސާ ކުރިއަށް އޮތް މެއި 13 ވަނަ ދުވަހު ބޭއްވުމަށް ނިންމައިފިއެވެ.
ރައްޔިތުންގެ މަޖިލީހުގެ މިއަދު ޖަލްސާގައި މަޖިލީހުގެ ރައީސް އަދި ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ވިދާޅުވީ 19 ވަނަ މަޖިލީހުގެ ދައުރު ކުރިއަށް އޮތް މެއި މަހު ނިމޭނެ ކަމަށާއި އެ މަހުގެ 13 ވަނަ ދުވަހު މި ދައުރުގެ ފަހު ޖަލްސާ ވެސް ބާއްވާނެ ކަމަށެވެ.
އަސްލަމް ވަނީ 19 ވަނަ ރައްޔިތުންގެ މަޖިލީހުގެ ދައުރު ހަމަވާތީ މިމަހުގެ ނުވަވަނަ ދުވަހުގެ ކުރިން ކޮމިޓީގެ މަސައްކަތްތައް ނިންމުމަށްފަހު ކޮމިޓީ ރިޕޯޓްތައް ފޮނުއްވައި ދެއްވުމަށްވެސް އެދިލައްވާފައެވެ.
ނަވާރަ ވަނަ ރައްޔިތުންގެ މަޖިލީހުގެ މެންބަރުން ހުވާ ކުރެއްވުމާއި ރިޔާސަތަށް ބޭފުޅުން ކަނޑައެޅުމަށް ފުރަތަމަ ޖަލްސާ ބޭއްވީ މެއި 28، 2019 ގައެވެ.
20 ވަނަ ރައްޔިތުންގެ މަޖިލީހުގެ މެމްބަރުން ހުވާ ކުރެއްވުން އޮންނާނީ، އަންނަ މަހުގެ 28 ވަނަ ދުވަހުއެވެ.
