ރޭ މާލޭގައި ހިނގި އަލިފާނުގެ ހާދިސާގައި، ރައްކާތެރި ހިސާބުތަކަށް ބަދަލު ކުރަން ޖެހުނު މީހުންނަށް ނެޝަނަލް ޑިޒާސްޓަރ މެނޭޖްމަންޓް އޮތޯރިޓީ( އެންޑީއެމްއޭ)އިން ވަގުތީ ހިޔާވައްސެއް ހަމަޖައްސަވައިފިއެވެ.
އެންޑީއެމްއޭއިން މިއަދު ބުނީ، އަލިފާނުގެ ހާދިސާގެ ސަބަބުން އިމާރާތުން ނެރެން ޖެހުނު މީހުންނަށް، މާފަންނު ސްޓޭޑިއަމްގައި ވަގުތީ ހިޔާ ހަމަޖައްސަވާފައިވާ ކަމަށެވެ. އަދި އެފަރާތްތަކަށް ބޭނުންވާ އެހީތެރިކަން ފޯރުކޮށްދެމުން އަންނަ ކަމަށްވެސް ބުންޏެވެ.
NDMA has established an evacuation center in Maafannu Stadium for those displaced and affected by the fire in Male'. Arrangements are being made to provide relief assistance and support.
— NDMA Maldives (@NDMAmv) November 10, 2022
މާލޭގައި ރޭ ހިނގި އަލިފާނުގެ ހާދިސާގައި ނުވަ މީހަކު ވަނީ މަރުވެފައެވެ. މަރުވި އެންމެންނަކީވެސް ބިދޭސީންނެވެ.
ރޭ އަލިފާން ރޯވެފައިވަނީ މާލޭގެ އިސްކަންދަރު މަގާ ކޯރުކެނޑި މަގު ގުޅޭ ހިސާބުގައި ހުރި މ.ނިރުފެހި ކިޔާ ގެއެއްގައެވެ. އެގޭގައި ގަރާޖަކާ ލޭބަރ ކުއާޓަރެއް ހުރެއެވެ.
