މޯލްޑިވްސް ޒަކާތު ހައުސްގެ ތަފާސް ހިސާބުތައް ދައްކާ ގޮތުން މިއަހަރުގެ ސެޕްޓެމްބަރު މަހުގެ ނިޔަލަށް 109 މިލިއަނަށް ވުރެ ގިނަ ދިވެހި ރުފިޔާ ވަނީ ބަލައިގަނެފައެވެ.

ޒަކާތު ހައުސްއިން ހާމަކުރި ގޮތުގައި މި އަހަރު ފެށިގެން މިދިޔަ ސެޕްޓެމްބަރު މަހުގެ ނިޔަލަށް މުދަލު ޒަކާތުގެ ގޮތުގައި ޖުމުލަ 109,262,025.69 ރުފިޔާ ވަނީ ބަލައިގަނެފައެވެ.

މިއީ ވޭތުވެދިޔަ އަހަރު ލިބުނު 106,456,071.00 ރުފިޔާއަށް ވުރެ 2,805,954.69 ރުފިޔާ އިތުރު އަދަދެކެވެ.

މިއީ މިދިޔަ އަހަރުގެ ޖުމްލަ އަދަދާ އަޅާބަލާއިރު 2.64 އިންސައްތައިގެ ކުރިއެރުމެކެވެ.

ދައުލަތަށް މުދަލު ޒަކާތް ބަލައިގަންނަނީ ދެ ގޮތަކަށެވެ. އެއީ ދިވެހި ރުފިޔާ އަދި ޔޫއެސް ޑޮލަރުންނެވެ.

މިދިޔަ މަހުގެ ނިޔަލަށް މުދަލު ޒަކާތުގެ ގޮތުގައި ދިވެހި ރުފިޔާއިން ޖުމްލަ 108,739,116.62 ރުފިޔާ ލިބިފައިވާއިރު، 34,021.41 ޔޫ.އެސް ޑޮލަރު ވެސް ވަނީ ލިބިފައެވެ.

އަހަރު ނިމެން އަދި ބާކީ ތިން މަސް އޮތުމާއެކު، މިއަހަރު ނިމޭއިރު ޒަކާތުގެ ގޮތުގައި ލިބޭ މިންވަރު ބޮޑުތަނުން އިތުރުވާނެ ކަމަށް ޒަކާތު ހައުސްއިން ލަފާކުރެއެވެ.