ރާއްޖޭގައި ހިމާޔަތް ކޮށްފައިވާ ދޫނީގެ ބާވަތެއް ކަމުގައިވާ ވައްލަތަކެއް، މާލޭގެ ފަޅުތެރޭގައި މަރުވެފައި ވަނިކޮށް ފެނިއްޖެއެވެ.

މި މައްސަލައާ ގުޅިގެން، އެންވަޔަރަމަންޓަލް ޕްރޮޓެކްޝަން އޭޖެންސީ(އީ.ޕީ.އޭ) އިން ވިދާޅުވީ، މާލޭ ދެކުނުފަރާތު ހާބަރަށް ވަންނަ ސަރަޙައްދުން މަރުވެފައި އޮއްވައި ފެނިފައިވަނީ 15 ވައްލަ ކަމަށެވެ.

About 15 tern carcasses have been found floating on the Southern harbor entrance near Maafanu stadium. These birds were suspected to have died from being handled & were likely dumped into the sea. We urge the public to please come forward if further information is available. pic.twitter.com/Aem9Gsi9Ez

— EPA Maldives (@EPAMaldives) November 27, 2022

ގެންގުޅުމުގެ ތެރޭގައި ދޫނިތައް މަރުވުމުން، ފަޅުތެރެއަށް އެއްލައިލީ ކަމަށް ބެލެވޭ ކަމަށްވެސް އީޕީއޭއިން ވިދާޅުވިއެވެ. މިކަމާ ގުޅޭގޮތުން މަޢުލޫމާތު ލިބިފައިވާ ފަރާތެއް ވާނަމަ، އެކަން އީޕީއޭއާ ހިއްސާ ކޮށްދިނުމަށްވެސް އެ އެޖެންސީން ވަނީ އެދިވަޑައިގެންފައެވެ.

ވައްލައަކީ ހިމާޔަތް ކޮށްފައިވާ ދޫންޏަކަށްވާއިރު، މިފަދަ ދޫނި ގެންގުޅެ، އަނިޔާ ދިނުމަކީ މަނާ ކަމެކެވެ.