މޯލްޑިވިއަން ޑިމޮކްރެޓިކް ޕާޓީ(އެމްޑީޕީ)ގެ ސިޔާސީ ހަރަކާތްތައް ފަށައިގަންނަން ބޭނުންވަނީ އޭނާގެ އެންމެ ފޮޓޯގަނޑަކާ، އެންމެ ލަފްޒެއް ކަމަށް އެ ޕާޓީގެ ކުރީގެ ޗެއާޕާސަން މޫސާ މަނިކު ވިދާޅުވެއްޖެއެވެ.
މޫސަ މިފަހުން އެމްޑީޕީއާ ގުޅިވަޑައިގެންފައިވަނީ އަށް އަހަރު ފަހުންނެވެ. 2023 އަށް އެ ޕާޓީން ތައްޔާރު ވަމުން އަންނައިރު، ވަރަށް އަވަހަށް ޕާޓީގެ ހަރުގެ ޖަލްސާތައް ފައްޓަވާނެ ކަމަށް މޫސަ ވަނީ ހާމަކުރައްވައިފައެވެ.
މޫސަ ކުރެއްވި ޓްވީޓެއްގައި ވިދާޅުވީ ބަނޑުޖެހި، ފަހަތު ފަޔަށް ބުރަ ވެފައި އޮއްވާ، އެމްޑީޕީ ނިދިން ހޭލައްވާލައި، ޕާޓީގެ ހަރަކާތްތައް ފަށައިގަތުމަށްޓަކައި ބޭނުންވަނީ އޭނާގެ އެންމެ ލަފްޒަކާއި ފޮޓޯއެއް ކަމުގައެވެ.
”މި ދާ ބާރުގަ ގޮސް، މަންޒިލަށް ވާސިލުވާނެ. އެމްޑީޕީ އެނގޭނީ އެމްޑީޕީ އުފެއްދި މީހުންނަށް.“ މޫސަ ވިދާޅުވިއެވެ.
ސިޔާސީ ފަންނުވެރިން ޤަބޫލުކުރައްވާ! ބަނޑުޖަހފަ ފަހަތުފަޔަށްބުރަވެފާއޮތް MDP ނިދިންހޭލައްވާލާ ޕާޓީގެޙަރަކާތްތަށް ފަށައިގަންނަން އަޅުގނޑު ގެ އެއްމެލަފްޒަކާ އެއްގަނޑުފޮޓޯއިނވެސް މިކަންމިއޮތީފެށިފަ މި ދާބާރުގަ ގޮސް މަންޒިލަށްވާސިލްވާނެ MDPއނގޭނީ MDP އުފެއްދިމީހުނަށް pic.twitter.com/7NmACIUXlz
— Moosa Maniku (Reeko) (@ReekoMoosa) December 20, 2022
އަންނަ މަހުގެ 28 ވަނަ ދުވަހު އެމްޑީޕީގެ ރިޔާސީ ޕްރައިމަރީ ބޭއްވުމަށް ނިންމާފައިވާއިރު، މި އިންތިހާބުގައި ވާދަ ކުރައްވަނީ އެމްޑީޕީގެ އިސް ލީޑަރު ކަަމުގައިވާ، ރައީސް އިބްރާހީމް މުހައްމަދު ސޯލިހާއި، އެ ޕާޓީގެ ރައީސް މުހައްމަދު ނަޝީދެވެ.