ކާރެއްގެ ތެރޭގައި އައްޑޫގެ ޑްރައިވަރަކު އަންހެނަކަށް ޖިންސީ ގުނަވަން ދައްކައި ފުރައްސާރަ ކިތި މައްސަލާގައި ހައްޔަރުކުރުމަށް ފަހު ބަންދަށް މުއްދަތު ޖަހައިފިއެވެ.
Ads by Asuru
މިދިޔަ ބުދަ ދުވަހު ހިނގި ހާދިސާއާ ގުޅިގެން ހައްޔަރުކޮށްފައި ވަނީ 44 އަހަރުގެ މީހެކެވެ.
އެ މައްސަލާގައި ކޯޓް އަމުރެއްގެ ދަށުން ބުރާސްފަތި ދުވަހު ހައްޔަރުކުރި މީހާގެ ބަންދާ މެދު ގޮތެއް ނިންމަން އިއްޔެ ހިތަދޫ މެޖިސްޓްރޭޓް ކޯޓަށް ގެންދިއުމުން ބަންދަށް 15 ދުވަސް ޖަހާފައިވެއެވެ.
މި މައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.
ކާރުން ދަތުރުކުރި މީހަކަށް ޑްރައިވަރު ޖިންސީ ފުރައްސާރަކުރި ވީޑިއޯ ވެސް ސޯޝަލް މީޑިއާގައި ދައުރުވެފައިވެއެވެ. ފަހުން އެ ޑްރައިވަރު މާފަށް އެދި އެކަން ސިއްރުކޮށް ދޭން އެދުނު އަންހެން މީހާ ބުނެފައިވެއެވެ.
