ޖުމްހޫރީ ޕާޓީ (ޖޭޕީ) ގެ ރިޔާސީ ކެންޑިޑޭޓަކީ އެ ޕާޓީގެ ލީޑަރު ޤާސިމް އިބްރާހިމް ކަމަށް އެ ޕާޓީގެ ކައުންސިލުން ފާސްކޮށްފިއެވެ.
Ads by Asuru
ޖުމްހޫރީ ޕާޓީ އިސްވެ އޮވެ އުފައްދާ ކޯލިޝަނެއްގެ ތެރެއިން ރިޔާސީ އިންތިޚާބުގައި ވާދަކުރުމަށް ނިންމައި ރިޔާސީ ޕްރައިމަރީގައި ވާދަކުރުމުގެ ފުރުސަތު ހުޅުވައިލީ މިދިޔަ މަހުގެ 16 ވަނަ ދުވައެވެ.
އެ ފުރުސަތު އެ މަހުގެ 30 ވަނަ ދުވަހުގެ 12:00 ގައި ހަމަވިއިރު ކުރިމަތިލެއްވީ ޤާސިމް އެކަންޏެވެ.
މިއަދު ބޭއްވި ޖޭޕީގެ ކައުންސިލުގެ 153 ވަނަ ބައްދަލުވުމުގެ އިއްތިފާގުން ވަނީ އަންނަ ރިޔާސީ އިންތިޚާބުގައި އެ ޕާޓީގެ ޓިކެޓުގައި ވާދަކުރައްވާނީ ޤާސިމް ކަމަށާއި ކެންޑިޑޭޓް ކަމަށް އެ މަނިކުފާނު ޝަރުތު ހަމަވާ ކަމަށް ފާސްކޮށްފައެވެ.
