މޯލްޑިވްސް ސްޓޭޓް ޝިޕިން (އެމްއެސްއެސް)ގެ މެނޭޖިން ޑިރެކްޓަރުގެ މަގާމަށް މުހައްމަދު ނާޒިމް އައްޔަންކޮށްފިއެވެ.

އެމްއެސްއެސްގެ އެމްޑީގެ މަގާމު ހުސްވީ އެ މަގާމުގައި ހުންނެވި ސައީދު، އެސްޓީއޯގެ މެނޭޖިން ޑިރެކްޓަރަކަށް އައްޔަނުކުރުމާ ގުޅިގެންނެވެ.

އެމްއެސްއެސްއިން ކުރި ޓްވީޓެއްގައި ބުނީ އެ ކުންފުނީގެ އެމްޑީއަކަށް އެ ކުންފުނި އުފެދުނީއްސުރެ އެ ކުންފުންޏަށް ހިދުމަތްކުރައްވަމުން ގެންދެވި ނާޒިމް އައްޔަނުކޮށްފައިވާ ކަމަށެވެ.

ނާޒިމް ވަނީ އެމްއެސްއެސްގެ ޖެނެރަލް މެނޭޖަރުގެ މަގާމު ވެސް ފުރުއްވާފައެވެ.