މަސްޖިދުލް އަގްސާގެ ތެރެއަށް އިސްރާއީލުގެ ގިނަ އަދަދެއްގެ ބަޔަކު ވަދެ އެ މިސްކިތުގެ ހުރުމަތް ކަނޑާލުމުން އެކަން ރައީސް އިބްރާހިމް މުހައްމަދު ސޯލިހު ކުށްވެރިކުރައްވައިފިއެވެ.
ރައީސް ސޯލިހު މިއަދު ކުރެއްވި ޓްވީޓްގައި ވިދާޅުވީ އިސްރާއީލުގެ ދިދަ ހިފައިގެން ގިނަ އަދަދެއްގެ ބަޔަކު އަގްސާ އަށް ވަދެ އެ މިސްކިތުގެ ހުރުމަތް ކަނޑާލުން ކުށްވެރިކުރާ ކަމަށާއި، ދިވެހިން އަބަދުވެސް ތިބޭނީ ފަލަސްތީނު ރައްޔިތުންނާއެކު ކަމަށެވެ.
Condemn the actions of Israeli ultranationalists who desecrated the sanctity of Masjid Al-Aqsa during the Flag March in Jerusalem yesterday. Maldivians remain steadfast in their solidarity with the #Palestinian cause.
— Ibrahim Mohamed Solih (@ibusolih) May 30, 2022
އެ މައްސަލައިގައި ކުރީގެ ރައީސް މައުމޫން އަބްދުލްގައްޔޫމް ވެސް ވަނީ ކަންބޮޑުވުންފާޅުކުރައްވައިފައެވެ. އެގޮތުން ރައީސް މައުމޫން ވިދާޅުވީ އިޒްރޭލްގެ ދިދަ ހިފައިގެން ބަޔަކު އަގްސާ މިސްކިތަށް ވަދެ އެމާތް މިސްކިތުގެ ހުރުމަތް ކަނޑާލުމަކީ މުޅި އިސްލާމީ އުންމަތް އެންމެ ހަރުކަށި އިބާރާތުން ކުށްވެރިކުރަން ޖެހޭ ކަމެއް ކަމަށެވެ.
