އެމްޑީޕީގެ ރައީީސް މުހައްމަދު ނަޝީދުގެ ފެކްޝަނުން އުފެއްދެވި ”ދަ ޑިމޮކްރެޓްސް“ ޕާޓީ ވެގެންދާނީ ދިވެހި ޒުވާނުން އެދޭ ހެޔޮ ބަދަލު ގެނެސްދޭނެ ޕާޓީއަށް ކަމަށް މަޑަވެލި ދާއިރާގެ މެމްބަރު ހުސައިން ފިރުޝާން ވިދާޅުވެއްޖެއެވެ.

Ads by Asuru
”ދަ ޑިމޮކްރެޓްސް“ ގެ ނަމުގައި ޕާޓީއެއް އުފެއްދުމުގެ ހުއްދައަށް އެދި، އެމްޑީޕީން ވަކިވި ފިކުރެއްގެ ދިރުން ފެކްޝަނުން އިއްޔެ ވަނީ އިލެކްޝަން ކޮމިޝަނަށް ހުށަހަޅައިފައެވެ.
މިކަމާ ގުޅިގެން ފިރުޝާން ރޭ ކުރެއްވި ޓުވީޓެއްގައި ވިދާޅުވީ މިއަދަކީ އާދުވަހެއް ކަމަށާއި އުއްމީދީ ދުވަހެއް ކަމަށެވެ.

އަދި ދަ ޑިމޮކްރެޓްސް ޕާޓީ އިރާދަކުރެއްވިއްޔާ ވެގެންދާނީ ދިވެހިންނާއި ދިވެހި ޒުވާނުން އެދޭ ހެޔޮބަދަލު ގެނެސްދޭނެ ޕާޓީއަށް ކަމަށެވެ.

ފިރުޝާންގެ ޓުވީޓު ނިންމަވައިލައްވަމުން ވަނީ މަރުހޫމް މުޙައްމަދު ޖަމީލު ދީދީ ހައްދަވާފައިވާ ޅެމެއްގެ ބައެއް ވެސް ހިއްސާ ކުރައްވައިފައެވެ.

”ދަ ޑިމޮކްރެޓްސް“އިން މި އަހަރުގެ ރިޔާސީ އިންތިހާބުގައި ިކެންޑިޑޭޓަކު ނެރެން ހަމަޖެހިފައިވެއެވެ.