ދިވެހިރާއްޖެއާއި މޮރިޝަސްއާ ދެމެދު، ކަނޑުގެ ފުށުއަރާ ސަރަޙައްދުގެ އިން ކަނޑައެޅި މައްސަލައިގައި ޢަމަލު ފޮރިން މިނިސްޓަރު ޝާހިދުގެ އިތުބާރު ގެއްލިފައިވާ ކަމަށް ބުނެ މަޖިލީހަށް ހުށަހަޅައިފައިވާ މައްސަލާގައި ޖަވާބުދާރީވުމަށް، މިނިސްޓަރަށް 14 ދުވަހުގެ ނޯޓިސް ފޮނުއްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާ ފައްޓަވަމުން މަޖިލީހުގެ ނައިބު ރައީސް އީވާ ވިދާޅުވީ މިނިސްޓަރު ޝާހިދުގެ އިތުބާރު ނެތްކަމުގެ މައްސަލަ 13 މެންބަރުންގެ ސޮޔާއިއެކު، މިމަހުގެ 18 ވަނަ ދުވަހު މަޖިލީހަށް ހުށައަޅާފައިވާ ކަމަށެވެ.
އަދި މި މައްސަލައިގައި ޖަވާބުދާރީވުމަށް މިނިސްޓަރު ޝާހިދަށް 14 ދުވަހުގެ ނޯޓިސް، މިމަހުގެ 21 ވަނަ ދުވަހު ފޮނުވާފައިވާކަމަށްވެސް އީވާ ވިދާޅުވިއެވެ.
ފޮރިން ޝާހިދުގެ އިތުބާރު ނެތްކަމުގެ މައްސަލަ ދެވަނަ ފަހަރަށް އިދިކޮޅު ފަރާތްތަކުން މަޖިލީހަށް ހުށަހަޅައިފައި ވަނީ، ޗާގޯސް މައްސަލައިގައި ރާއްޖޭގެ ކަނޑުން ބައެއް ގެއްލުވާލުމުގައި ޝާހިދު ބައިވެރިވެ ވަޑައިގެންފައިވާ ކަމަށް ތުހުމަތުކޮށެވެ.
މި މައްސަލައިގައި ބަންޑާރަ ނައިބު، އިބްރާހީމް ރިފްޢަތުގެ އިތުބާރު ނެތް މައްސަލަ ވެސް މަޖިލީހަށް ވަނީ ހުށަހަޅައިފައެވެ.
