ފުވައްމުލަކު ސިޓީގައި ދެ ސައިކަލެއް ޖެހި ރޭ ހިނގި އެކްސިޑެންޓެއްގައި ދެ ޒުވާނަކަށް އަނިޔާވެއްޖެއެވެ.
Ads by Asuru
ފުލުހުން ބުނީ ފުވައްމުލަކުގައި ދެ ސައިކަލު ޖެހި އެކްސިޑެންޓެއް ހިނގާފައިވާކަމުގެ މައުލޫމާތު ފުލުހުންނަށް ލިބިފައި ވަނީ ރޭ 11:25 ހާއިރު ކަމަށެވެ.
އެކްސިޑެންޓްގައި 18 އަހަރުގެ މީހަކާއި 19 އަހަރުގެ މީހަކަށް އަނިޔާވެފައިވާއިރު، ދެ މީހުންނަށް ވެސް ފުރަތަމަ ފަރުވާ ދިނީ ފުވައްމުލަކު ހޮސްޕިޓަލުގައެވެ. އަދި އިތުރު ފަރުވާއަށް މިއަދު ހެނދުނު ވަނީ އެމްއެންޑީއެފް ހެލިކޮޕްޓަރުގައި މާލެ ގެނެސްފައެވެ.
ފުލުހުން ބުނީ މި ދެ މީހުންނަކީ ވެސް ސައިކަލް ދުއްވުމުގެ ލައިސަންސް އޮންނަ މީހުން ކަމަށެވެ. މި މައްސަލަ ތަހުގީގު ކުރަމުންދާ ކަމަށް ފުލުހުން ބުނެއެވެ.
