ސްޓޫޑެންޓް ލޯނުގެ ދާއިމީ ލިސްޓު މިނިސްޓްރީ އޮފް ހަޔާ އެޑިއުކޭޝަނުން މިއަދު އާންމުކޮށްފިއެވެ.
Ads by Asuru
އެ މިނިސްޓްރީން ބުނީ ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދަން ލޯނު ދިނުމަށް މި އަހަރު ހުޅުވާލި ފުރުޞަތުގައި 1،275 ދަރިވަރަކަށް ލޯނު ދީފައިވާ ކަމަށެވެ.
ސަރުކާރުން ވަނީ މިފަހަރު ސްޓޫޑެންޓް ލޯނަށް ޝަރުތު ހަމަވާ ހުރިހާ ދަރިވަރުންނަށް ސްޓޫޑެންޓް ލޯނު ދިނުމަށް ނިންމައިފައެވެ. މިއާއެކު މިހާތަނަށް ދޫކުރި ސްޓޫޑެންޓް ލޯންގެ ޖުމުލަ 3،211 އަށް އަރައެވެ.
މިއަހަރުގެ ފެބުރުއަރީ މަހު ސަރުކާރުން ސްޓޫޑަންޓް ލޯން ސްކީމް އިއުލާން ކުރީ 720 ފުރުސަތު ދޭ ގޮތަށެވެ. މީގެކުރިން ސްޓޫޑެންޓް ލޯނު ދެމުން އައިސްފައިވަނީ ޝަރުތު ހަމަވާ ދަރިވަރުންގެ ތެރެއިން ވަކި އަދަދެއްގެ ދަރިވަރުންނަށެވެ.
