ނ.މާފަރު އެއާޕޯޓުން ފެނުނު ގޮތް ނޭނގޭ ޖަނަވާރު، އަދި މިހާތަނަށް ފެނިފައި ނުވާތީ، އެ ޖަނަވާރު ހޯދަން ސިފައިންގެ ޓީމެއް މިއަދު އެ ރަށަށް ގޮސްފިއެވެ.
މާފަރު އެއާޕޯޓު ސަރަހައްދުން އެ ޖަނަވާރު ހިނގާފައިދާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ. އެގޮތުން އެއީ މިނިކާވަގެއް ކަމަށް ބައެއް ފަރާތްތަކުން އަންނަނީ ބުނަމުންނެވެ. އެއީ ކޮންކަހަލަ ޖަނަވާރެއްކަން ވީޑިއޯއިން ސާފު ނުވިޔަސް، އެއީ ރާއްޖޭގައި ނޫޅޭ ބާވަތެއްގެ ޖަނަވާރެއްކަން ސާފުވާ ކަމަށް ބައެއް ފަރާތްތަކުން ވަނީ ބުނެފައެވެ.
މާފަރު ކައުންސިލުން ބުނީ މާފަރު އެއާޕޯޓު ސަރަހައްދުން އަދި ރަށުގެ އެއްވެސް ހިސާބެއްގައި މިނިކާވަގެއްގެ ނިޝާނެއް އަދި ފެނިފައި ނުވާތީ ސިފައިންގެ ޓީމެއް މިއަދު އެ ރަށަށް ގޮސްފައިވާ ކަމަށެވެ.
”މި ޓީމުގެ ފަރާތުން މުޅިރަށް ބަލާ ފާސްކުރުމަށް ވަނީ ހަމަޖެހިފައި،“ މާފަރު ކައުންސިލުން ބުނެއެވެ.
ކައުންސިލުން ވަނީ މި މި ޖަނާވަރުގެ މައުލޫމާތު ލިބިފައިވަނީ އިއްޔެ އިރުއޮއްސެން އުޅެނިކޮށް ކަމަށާއި މިކަމަށް ރައްޔިތުން ސަމާލުވުމަށް އެދިފައެވެ.
ތީ ފޭކް ވީޑިއޯއެއް ބެކްގުރައުންޑް އަށް އަންނަ ބަދަލަށް ބެލީމަ އިނގޭނެ.