ސްވިޑަންގެ ސްޓޮކްހޯމްގެ މިސްކިތެއްގެ ކުރިމަތީގައި ކީރިތި ޤުރުއާނުގެ މުސްހަފެއް އަންދާލައި، އިސްލާާމްދީނަށް ފުރައްސާރަ ކުރި މީހާ އެކަން ތަކުރާރު ކުރާނެކަން ހާމަކޮށްފިއެވެ.

ޤުރުއާާން އަންދާލާފައިވަނީ އިރާގުގެ ރެފިއުޖީއެއް ކަމުގައިވާ ސަލްވާން މޮމިކާއެވެ.

އޭނާ އަކީ އުމުރުން 37 އަހަރުގެ މީހެކެވެ. ކީރިތި ޤުރުއާން އަންދާލުމަށް އޭނާއަށް ސްވިޑަންގެ ކޯޓަކުން ހުއްދަ ދިންއިރު، މި ހަރަކާާތް ކުރިއަށް ގެންދިޔައިރު، އޭނާއަށް ފުލުހުންވެސް ހިމާޔަތް ދިނެވެ.

މޮމިކާ ބުނީ ކުރިއަށް އޮތް 10 ވަރަކަށް ދުވަސްތެރޭގައިވެސް އޭނާ ޤުރުއާން އަންދާލާނެ ކަމަށާއި، ޑިމޮކްރަސީގައި އެފަދަ ކަންކަން ނުހުއްޓުވޭނެ ކަމަށެވެ.

ޤުރުއާން އަންދާލައި، މޮމިކާ ހިންގި އަމަލު، އިސްލާމީ ގައުމުތަކުން އަންނަނީ ކުށްވެރި ކުރަމުންނެވެ.