ރައްޔިތުންގެ މަޖިލީހުގެ ރައީސްކަމުން މުޙައްމަދު ނަޝީދު ވަކިކުރުމަށް ހުށަހަޅާފައިވާ ޤަރާރު މިއަދު ހެނދުނު ބޭއްވި ޖަލްސާގެ ރިޔާސަތުން ބޭރުކޮށްލާފައިވާ ކަމަށް ވިދާޅުވެ، މައްސަލަ ކުރިއަށް ނުގެން ގޮސް މިއަދުގެ ދެވަނަ ޖަލްސާ ވެސް ނިންމަވައިލައްވައިފިއެވެ.

މިއަދު ފުރަތަމަ ބޭއްވި ޖަލްސާއަށް ނައިބު ރައީސާ އީވާ ހާޒިރުވެވަޑައިގަނެފައި ނުވެއެވެ. އޭނާ ހުންނެވީ ސަލާމުގައެވެ. އެހެންވެސް އެ ޖަލްސާގެ ރިޔާސަތު ބެލެހެއްޓެވީ ވިލުފުށީ ދާއިރާގެ މެމްބަރު ހަސަން އަފީފެވެ.

އެއަށްފަހު 11:30 އަށް ތާވަލުކުރި ޖަލްސާގެ ރިޔާސަތުގައި އިންނެވީ އީވާ އެވެ. އެ ޖަލްސާ ފެށުނުތާ ކުޑަ ވަގުތުކޮޅެއް ތެރޭ އެއީ ހެނދުނުގެ ޖަލްސާގައި ބޭރުކޮށްފައިވާ ޤަރާރެއް ކަމަށް ވިދާޅުވެ، އެ ޖަލްސާ އީވާ ނިންމަވާލެއްވިއެވެ.

އެމްޑީޕީގެ ކުރީގެ ރައީސް މުޙައްމަދު ނަޝީދުގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅީ އެމްޑީޕީގެ 49 މެމްބަރުންގެ ސޮޔާއިއެކުގައެވެ.