ރައީސް އިބްރާހީމް މުޙައްމަދު ޞާލިޙު މަޢާފު ދެއްވުމުން، ކުރީގެ ނައިބު ރައީސް އަޙްމަދު އަދީބު އޭނާގެ ޕާޓީ އެމްޓީޑީގެ އޮފީހަށް ޒިޔާރާތް ކުރައްވައިފިއެވެ.
ރައީސް ދެއްވި ކުއްލި މަޢާފަކާއިއެކު، އަދީބު އިއްޔެ މިނިވަންވެ ވަޑައިގެންފައިވާއިރު، އެމްޓީޑީގެ އޮފީހަށް ވަޑައިގެން، ނެގި ފޮޓޯތަކަކާއެކު އެކްސްގައި ކުރެއްވި ޕޯސްޓެއްގައި އަދީބު ވިދާޅުވީ ފިކުރަކީ ޖަލަށް ލެވޭނެ އަދި މަރާލެވޭނެ އެއްޗެެއް ނޫން ކަމަށް ކަމަށެވެ.
ފިކުރަކީ ބޮޑުވެ ފުޅާވެ ފެތުރޭނެ އެއްޗެއް ކަމަށެވެ. އަދި އެންމެ އަނދިރި ކުޑަ ގޮޅިން ފެށިގެން މުޅި ގައުމުގެ އެކި ކަންކޮޅަށް ފިކުރު ފެތުރޭނެ ކަމަށްވެސް އަދީބު ވިދާޅުވިއެވެ.
އަދީބުގެ އިތުރުން އެމްއެމްޕީއާރްސީގެ ކުރީގެ އެމްޑީ ޒިޔަތަށް ވެސް ރައީސް ޞާލިޙު ވަނީ މަޢާފު ދެއްވައިފައެވެ.
ސުބްހާނަﷲ!… ޑރ މުޢިއްޒުގެ ދަޢުރަށް ދޮންކޮށް ފައްކާކޮށް ދިން ފްރޭތައެއް ،،، އިބޫ އަދި ފައްޔާޒުގެ ރޭވުންގަނޑު… ބަލި ޤަބޫލުކޮށް ޤަޢުމަށް އިޚްލާސްތެރިވެ… ދިވެހި ރައްޔިތުންގެ އަމަންކަމާއި ސަލާމަތާއި ސުލްހަމަސަލަސްކަމަށް ވެސް ޖާގަދޭން ބޭނުން ނުވާކަމުގެ އަލިގަދަ ހެއްކެއްމީ… އަދިވެސް ކިޔާ އޯގާތެރި ވެރިއެކޭ… ދިވެހިން ކުރިއަށް އޮތް ފަސްއަހަރު.. ކަމަރު ބަނދޭ އަމާން ކަމުގެ އައްސޭރިއަކަށް ދިއުން ވަރަށް ނާދިރު… ދައުލަތުން ނެގި ލާރިތައް ހިފައިގެން މި ޤައުމުގެ އަމާން ކަމާއި ސުލްހަ މަސަލަސްކަން ނަގާލަން މަސައްކަތްކުރާ ބައިގަނޑު ބަލިކުރއްވާށި..
ރައްޔިތުންގެ ލާރިގަޑު ކާލިޔަސް ކުރެވޭނެ ކަމެއްނެތް