ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ޔޫއޭއީގައި ދިރިއުޅޭ ދިވެހީންނާއި ބައްދަލު ކުރައްވައިފިއެވެ.
ރައީީސް އޮފީހުން ބުނީ އެމަނިކުފާނު އެ ޤައުމުގައި އުޅޭ ދިވެހީންނާއި ބައްދަލުކުރައްވައި، އެފަރާތްތަކަށް ދިމާވާ ދަތިތައް އޮޅުންފިލުއްވައިފައިވާ ކަމަށެވެ.
މި ބައްދަލުކުރެއްވުމުގައި، އެ ޤައުމުގައި ތަޢުލީމު ހާސިލު ކުރަމުން އަންނަ ދިވެހި ދަރިވަރުން ބައިވެރިވިއެވެ. ރައީސް އޮފީހުން ބުނީ 200އަށްވުރެ ގިނަ ދިވެހީން މި ބައްދަލުކުރެއްވުމުގައި ބައިވެރިވި ކަމަށެވެ.
https://twitter.com/presidencymv/status/1730284761669890215?t=3wgOc1OAsOb81Jzt61DjjQ&s=19
ރައީސް މުޢިއްޒު މިހާރު ހުންނެވީ ދުބާއީގައެވެ.
އެމަނިކުފާނު ދުބާއީއަށް ވަޑައިގެންނެވީ ކޮޕް28 ސަމިޓުގައި ބައިވެރިވެވަޑައިގެންނެވުމަށެވެ.
President Dr @MMuizzu meets with the Maldivian Community in the UAE and inquires about the needs of the community and the challenges they encounter. He is currently in Dubai to attend COP28. pic.twitter.com/rUlTWdNZkj
— The President's Office (@presidencymv) November 30, 2023
ކޮޕް28 ބައްދަލުވުމަކީ ޕެރިސް އެއްބަސްވުމާ ގުޅިގެން ދުނިޔެއަށް ލިބިފައިވާ ކުރިއެރުންތައް ދެނެދެގަތުމުގެ ކަންކަން ކުރަމުންދާ މިދަނޑިވަޅުގައި މުހިންމު ދައުރެއް އަދާކުރާނެ ޚާއްޞަ ބައްދަލުވުމެކެވެ. ދުނިޔޭގައި ނެގޭ ފުރަތަމަ ’ގްލޯބަލް ސްޓޮކްޓޭކް‘ (ޖީ.އެސް.ޓީ) އިން ޕެރިސް އެއްބަސްވުން ތަސްދީގުކުރި ފަހުން ލިބުނު ކުރިއެރުންތަކުގެ މިންވަރު ވަޒަންކުރެވިގެންދާނެއެވެ.
