ހުޅުމާލޭގެ ފުރަތަމަ ފިޔަވަހީގައި މިރޭ ހަވާ އެރުވުމުގެ ހަރަކާތެއް އޮންނާނެއެވެ.

އެމްއެންޑީއެފް އިން ބުނީ، ހުޅުމާލެ، ފޭސް 1 ގެ ރިވެލި ބީޗް ކުލަބު އެންޑް ރެސްޓޯރެންޓް ސަރަހައްދުގައި މިރޭ 20:00 ހާއިރު ހަވާ އެރުވުމަށް ވަނީ ހަމަޖެހިފައި ކަމަށެވެ.

ތިން މިނެޓެއްހާއިރަށް ކުރިއަށްގެންދާ މި ހަރަކާތަކީ ސިފްކޯއިން ވިޔަފާރި އުސޫލުން ކުރިއަށް ގެންދާ ހަރަކާތެއް ކަމަށް ވެސް އެމްއެންޑީއެފް އިން މައުލޫމާތުދެއެވެ.

ތަފާތު މުނާސަބަތުތަކުގައި މާލެ ސަރަހައްދުގައި، އެމްއެންޑީއެފްގެ ބެލުމުގެ ދަށުން ހަވާއެރުވުމުގެ ހަރަކާތްތައް ބާއްވައެވެ.