ސިންގަޕޫރުގެ ނޮން-ރެސިޑެންޓް ހައިކޮމިޝަނަރު ހިޒް އެކްސެލެންސީ ސޯ ކޮކް ލެންގް، ރައީސުލްޖުމްހޫރިއްޔާ ޑރ.މުހައްމަދު މުއިއްޒަށް މިއަދު ހެނދުނު އިހުތިރާމްގެ ޒިޔާރަތެއް ކުރައްވައިފިއެވެ.
މި ބައްދަލުކުރެއްވުމުގައި، މަތީ ތައުލީމާއި، ސިއްހީ ހިދުމަތާއި، ފަތުރުވެރިކަން ފަދަ އެކި ދާއިރާތަކުން ގުޅުން ބަދަހިކުރުމާ ބެހޭގޮތުން ރައީސުލްޖުމްހޫރިއްޔާ އާއި ސަފީރު ވަނީ ބިނާކުރަނިވި މަޝްވަރާތަކެއް ކުރައްވާފައެވެ.
ރައީސް މުއިއްޒު ވަނީ ވިޔަފާރިއާއި އިގްތިސާދާއި ބޯހިޔާވަހިކަމަށް އިންވެސްޓްކުރުން ކުރިއެރުވުމަށް ޝައުގުވެރިކަން ފާޅުކުރައްވާފައެވެ.
އަދި ބޯހިޔާވަހިކަމުގެ ދާއިރާގައި ފަންނީ އެހީތެރިކަން ބޭނުންވާކަން ފާހަގަކުރައްވައި، އިޔާދަކުރަނިވި ހަކަތައިން ތިމާވެއްޓާ ރައްޓެހި ސިޓީއެއް އުފެއްދުމަށް ރާއްވަވާފައިވާ މަސައްކަތްތައް ހިއްސާކުރެއްވިއެވެ.
މި ބައްދަލުކުރެއްވުން ނިންމަވާލައްވަމުން ރައީސުލްޖުމްހޫރިއްޔާއާއި ސަފީރު ދެއްކެވި ވާހަކަފުޅުގައި، ސިންގަޕޫރާއި ރާއްޖެއާ ދެމެދުގައި އޮތް ގުޅުން އިތުރަށް ބަދަހިކުރެއްވުމަށާއި، ދެ ގައުމުގެ ދެމެދުގައި އޮތް ގުޅުން އިތުރަށް ބަދަހިކުރެއްވުމަށް މަސައްކަތްކުރައްވާނެކަމުގެ ޔަގީންކަން ދެއްވިއެވެ.
