ގަވާއިދާ ހިލާފަށް ރާއްޖޭގެ ކަނޑުގެ ސަރަހައްދަށް ވަދެ މަސްވެރިކަން ކުރަމުން ދިޔަ ސްރީލަންކާގެ މަސްބޯޓެއް މޯލްޑިވްސް ނެޝަނަލް ޑިފެންސް ފޯސް(އެމްއެންޑީއެފް)އިން ހިފަހައްޓައިފިއެވެ.
އެމްއެންޑީއެފުން ބުނީ ޖުމްލަ ހަ ފަޅުވެރިން ތިބި ލަންކާގެ މަސްބޯޓު މިހާރު ކޯސްޓްގާޑު ޝިޕް ހުރަވީގެ ބެލުމުގެ ދަށުން ލ. ކައްދު އަށް ދަތުރުކުރަމުން އަންނަ ކަމަށެވެ. މި ބޯޓް ކޯސްޓްގާޓުން އަތުލައިގަތީ މ. މުލިން 76 ނޯޓިކަލް މޭލު އިރުންނެވެ.
ޤާނޫނާޚިލާފަށް ރާއްޖޭގެ ކަނޑުގެ ސަރަހައްދުގައި މަސްވެރިކަންކުރަމުންދިޔަ ލަންކާގެ މަސްބޯޓެއް، އެމްއެންޑީއެފް ކޯސްޓްގާޑު ޝިޕް ހުރަވީން ހިފަހައްޓައިފި. މ.މުލިން 76ނމ. އިރުން ހިފެހެއްޓި މަސްބޯޓުގެ މަޢުލޫމާތު ކޯސްޓްގާޑަށް ހިއްސާކޮށްފައިވަނީ "އަލަމޫ 2" ނަމަކަށް ކިޔާ ދޯންޏަކުން.
— Maldives National Defence Force (@MNDF_Official) June 7, 2022
ލަންކާގެ މި ބޯޓާ ބެހޭ މަޢުލޫމާތު ކޯސްޓްގާޑަށް ހިއްސާކުރީ ”އަލަމޫ 2“ ނަމަކަށް ކިޔާ ދޯންޏަކުންޏެވެ.
